Türk boks térniri murat öner amérika sepiride rabiye qadir xanimdin hal we yol soridi

Amérikigha xizmet munasiwiti bilen kelgen türk boks térniri murat öner ependi, seyshenbe küni Uyghur milliy herikiti rehbiri rabiye qadir xanimni ishxanisida yoqlighan we özlirining Uyghur xelqi üchün nöwette néme ishlarni qilip béreleydighanliqi heqqide yolyoruq sorighan.

Murat öner ependi xelq'arawiy boks sehniliride sherqi türkistan bayriqini lepilditip Uyghurlargha qarita hésdashliqini bildürüp kéliwatqan aka - uka boksiyorchilarning dadisi we térniri bolup, rabiye xanim ularning ayyultuzluq kökbayraqqa bildürüp kéliwatqan hörmitige minnetdarliq bildürüsh bilen bille, ulardin Uyghur we sherqi türkistan dégen namni mumkin bolghan her pursette tamashibinlirigha bildürüp méngishini telep qilghan.

Yuqiridiki ulinishtin, muxbirimiz shöhret hoshurning bu heqte Uyghur milliy herikiti rehbiri rabiye qadir xanim we dunya Uyghur qurultiyining mu'awin re'isi ömer qanat bilen ötküzgen söhbitining tepsilatini anglaysiler.