“дуня шәрқий түркистанлиқлар қериндашлиқ учришиши” ниң тәйярлиқи давам қиливатиду

Ихтиярий мухбиримиз арслан
2015-08-14
Share
turkiye-uyghur-qerindashliq-uchrishish-2015.jpg 7-Нөвәтлик “дуня шәрқий түркистанлиқлар қериндашлиқ учришиши” дин бир көрүнүш
RFA/Arslan


11 - Авғуст мәркизи истанбулға җайлашқан шәрқий түркистан маарип вә һәмкарлиқ җәмийитиниң идарә һәйәт рәһбәрлири, шөбә вә бөлүм мәсуллириниң қатнишиши билән бир мәслиһәт йиғини өткүзүлди.

Йиғинда асаслиқи һәр йили бир қетим өткүзүлүп келиватқан дуня шәрқий түркистанлиқлар қериндашлиқ учришиш йиғининиң тәйярлиқ җәряни, хизмәт тәқсимати, йиғинниң мәқсити, асасий мәзмунлири тоғрисида музакирә қилинди вә бир түркүм қарарлар елинди. Нәтиҗидә 7 - нөвәтлик дуня шәрқий түркистанлиқлар қериндашлиқ учришиш йиғининиң бу йил 8 - айниң 20 - күнидин 22 - күнигичә истанбулда өткүзүлидиғанлиқи қайта тәкитләнди.

Шәрқий түркистан маарип вә һәмкарлиқ җәмийитиниң рәиси һидайәтуллаһ оғузханниң билдүрүшичә, бу қетимқи қериндашлиқ учришиш йиғинға “хәлқаралашқан шәрқий түркистан мәсилиси вә аммиви тәшкилатларниң истратегийәси”, дегән нам берилгән болуп, бу йиғинда, “шәрқий түркистанниң нөвәттики вәзийити вә ислами пикир тәшналиқи”, “шәрқий түркистан мәсилисиниң хәлқарадики орни”, “хәлқаралиқ тәшкилатларниң шәрқий түркистан мәсилисигә қаратқан позитсийәси”, “шәрқий түркистан тәшкилатларниң йеңи вәзийәткә қаратқан хизмәтлири вә истратегийәси”, “шәрқий түркистан дәваси йолидики дуч келиватқан қийинчилиқлар вә һәл қилиш чарилири”, дегәнгә охшаш бәш түрлүк тема асасий мәзмун қилинған.

Йиғинда, юқирида тилға елинған темилар бойичә илмий мақалә тәқдим қилинидикән, пикир баян қилип музакирә елип берилидикән.

Бу йиғинда оттуриға қоюлидиған мәзмунлар, йиғинниң өткән йилидикидин пәрқлинидиған җайлири, мәқсити шундақла әһмийити тоғрисида мәлумат елиш үчүн йиғинни уюштуруватқан шәрқий түркистан маарип вә һәмкарлиқ җәмийитиниң рәиси һидайәтуллаһ оғузхан билән сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт