Токйодики кишилик һоқуқ тәшкилатлири рабийә қадир ханим шәрипигә зияпәт бәрди

Ихтиярий мухбиримиз һаҗи қутлуқ қадири
2016-05-28
Share
rabiye-qadir-yaponiye.jpg Д у қ рәиси рабийә қадир ханим мухбирларни күтүвелиш йиғинида сөз қилмақта. 2013-Йили 2-июн, токйо.
AFP


26 - Май токйодики кишилик һоқуқ тәшкилатлири бирликтә японийәдә зиярәттә болуватқан рабийә қадир ханим шәрипигә зияпәт бәргән.

Зияпәт японийә парламент бинаси йенидики бир ресторанда елип берилған болуп, зияпәткә әллик нәччә киши қатнашқан. Паалийәт саәт он бирдин саәт иккигә қәдәр давамлашқан.

Японийә уйғур бирлики тәшкилатидин игилишимизчә, японийәдики нопузлуқ кишилик һоқуқ тәшкилатлиридин "куритаке асия мунбири уюшмиси" ниң уюштуруши билән токйода паалийәт елип бериватқан кишилик һоқуқ тәшкилатлиридин он бир тәшкилат бирлишип дуня уйғур қурултийи рәиси рабийә қадир ханимни күтүвелиш зияпити өткүзгән.

Японийә уйғур бирлики тәшкилатиниң рәиси доктор турмуһәммәт һашим зияритимизни қобул қилип зияпәт һәққидә тохталди.

Доктор турмуһәммәт һашимниң билдүрүшичә, зияпәттә сөзгә тәклип қилинған дуня уйғур қурултийи рәиси рабийә қадир ханим нөвәттики уйғур вәзийити вә уйғур мусапирлири мәсилиси тоғрисида тәпсилий доклат бәргәндин кейин, көпчилик уйғур мусапирлириниң толиму қийин әһвалда қалғанлиқиға ечинған вә хитай компартийәсиниң уйғурлар устидин йүргүзүватқан бастуруш сияситини тәнқидлигән.

Рабийә қадир ханим йәнә зияпәткә иштирак қилған бир қисим сиясийон вә карханичилар билән айрим - айрим сөһбәтлишип нөвәттә шәрқий җәнуби асия әллири вә түркийәдә панаһлиниватқан уйғур мусапирлириға уларниң маддий вә мәниви җәһәттин ярдәмдә болушини тәләп қилған.

Зияпәткә рабийә қадир ханимға һәмраһ болуп бирликтә қатнашқан дуня уйғур қурултийи муавин рәиси сейит түмтүркму зияпәттә сөз қилишқа тәклип қилинған болуп, у сөзидә түркийәдики уйғур мусапирлар мәсилиси тоғрисида тохталған.

Бу қетимқи рабийә қадир ханим башчилиқидики дуня уйғур қурултийи вәкиллириниң японийә зияритини тәшкиллигән доктор турмуһәммәт һашимниң қаришичә, японийәдики кишилик һоқуқ тәшкилатлириниң рабийә қадир ханим башчилиқидики дуня уйғур қурултийи вәкиллири билән бу хил қоюқ мунасивәттә болуши, кәлгүсидә японийәдә елип берилидиған уйғур кишилик һоқуқ паалийәтлиригә маддий вә мәниви җәһәттин көп пайдилиқ икән.

Юқириқи аваз улинишидин тәпсилатини аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт