Уйғурлар юрт һәсритини азайтиш үчүн истанбулда йиғилди

Ихтиярий мухбиримиз арслан
2013.10.18
Share on WhatsApp
Share on WhatsApp
Уйғурлар юрт һәсритини азайтиш үчүн истанбулда йиғилди 2013 - Йили 18 - өктәбир, шәрқий түркистан маарип вә һәмкарлиқ җәмийитиниң уюштуруши билән истанбулдики уйғурлар җәм болуп, 2013 - йиллиқ қурбан һейт байримини тәбрикләш паалийити өткүзди
Photo: RFA


2013 - Йили 18 - өктәбир, шәрқий түркистан маарип вә һәмкарлиқ җәмийитиниң уюштуруши билән истанбулдики уйғурлар җәм болуп, 2013 - йиллиқ қурбан һейт байримини тәбрикләш паалийити өткүзди. Паалийәткә истанбулда яшаватқан уйғурлардин әр - аял вә кичик балилар болуп 500 дин артуқ киши қатнашти.

Паалийәттә шәрқий түркистан маарип вә һәмкарлиқ җәмийитиниң муавин рәиси ечилиш нутқи сөзлиди вә йиғин әһлиниң қурбан һейт байримини тәбриклиди. Кейин истанбулда яшаватқан юрт мөтивәрлиридин мәмәт әйса һаҗим артиш, абдулқадир япчан, шәрқий түркистан вәхпә муавин рәиси абдулҗелил туран, сутуқ буғрахан илим вә мәдәнийәт вәхпиниң рәиси дотсент алимҗан боғда. Шәрқий түркистан яшлар җәмийитиниң рәиси тибәт йүҗә түрк, шәрқий түркистан меһри - шәпқәт вә һәмкарлиқ җәмийити рәиси йүсүп - йүсүп оғли қатарлиқ мәсуллар айрим - айрим сәһнигә чиқип сөз қилди вә уйғурларни қурбан һейт байримини тәбриклиди.

Паалийәттә йәнә “һейт болди бизләргә”, “мусулман биз”, “һейт бүгүн” дегәнгә охшаш қурбан һейт байримини тәбрикләп шеирлар оқулди. 3 Саәт давам қилған паалийәт қизғин кәйпият ичидә ахирлашти.

Биз бу паалийәт тоғрисида шәрқий түркистан маарип вә һәмкарлиқ җәмийитиниң иҗтимаий ишлар мәсули абдулкәрим кучар вә истанбулдики билги университетиниң оқутқучиси дотсент мурат орхун, сутуқ буғрахан илим вә мәдәнийәт вәхпиниң рәиси шундақла қәһриман мараш университетиниң оқутқучиси дотсент алимҗан боғда әпәндиләр билән сөһбәт елип бардуқ.

Абдулкәрим кучар әпәнди, бу паалийәтни уюштуруштики мәқсәтниң, муһаҗирәттә яшаватқан уйғурларни бир йәргә җәм болуп, вәтән - юрт һәсритини бир аз болсиму түгитишкә, өз - ара учришиш арқилиқ қериндашлиқ меһри - муһәббәтни күчәйтишкә, бирлик - баравәрлик болуш вә қурбан һейтни қериндашлар ара ортақ вә хушал өткүзүш үчүн топланғанлиқини ипадилиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.