Uyghur mesilisi türk xelqining muhim mesilisige aylinishqa bashlidimu?

Musulmanlarning muqeddes ramzan éyining kirishi bilen türkiyediki bezi siyasiy partiyiler we ammiwi teshkilatlar enqerening etimesqut, sinjan rayonliridiki élan taxtilirigha renglik ürümchi weqesi eks ettürülgen resimlik chong qeghezning üstige, “Hey musulmanlar, hey islam dunyasi, hey türkiye, sherqiy türkistan qan yighlawatidu, Uyghurlar yoq qiliniwatidu”, “Uyghurlarni untumayli” dégendek sözlerni yézip chaplighan.

Hazir ramazan éyidiki iptar ziyapetliridin kéyinki du'alardimu Uyghurlar tilgha élinmaqta, bu türkiyediki Uyghurlarni söyündürmekte. Bezi mutexessisler Uyghur mesilisining bundin kéyin türkiyening milliy siyasitige aylinidighanliqining béshariti ikenlikini ilgiri sürmekte. Beziler Uyghur mesilisining türk xelqining muhim mesilisige aylinip bolghanliqini ilgiri sürmekte. Biz bu heqte köz qarashlirini élish üchün istratégiyilik chüshenche instituti mutexessisi dr. Erkin ekrem we Uyghur ziyaliysi azatjan bughralar bilen söhbet élip barduq.

Tepsilatini yuqiridiki awaz ulinishidin anglighaysiz.