Уйғур мусапирлар түркийә президенти әрдоғанни қизғин күтүвелип тәшәккүрини билдүрди

Мухбиримиз әркин тарим
2015-05-19
Елхәт
Пикир
Share
Принт
Уйғурлар әрдоғанға рәһмәт ейтти
Уйғурлар әрдоғанға рәһмәт ейтти
RFA/Erkin Tarim


Түркийә дөләт рәиси рәҗәп тайип әрдоған 17 - май йәкшәнбә күни түркийәниң қәйсәри вилайитигә кәлди. Қәйсәридә паалийәт елип бериватқан шәрқий түркистан мәдәнийәт вә һәмкарлиқ җәмийитиниң уюштуруши билән йүзлигән уйғур қолида түркийәниң байриқи билән шәрқий түркистанниң ай юлтузлуқ көк байриқини көтүргән һалда әрдоған өтидиған йолниң бойиға чиқип қизғин күтүвалди.

Сейит түмтүркниң ейтишичә бу күтүвелиш паалийитигә қәйсәригә бурун келип олтурақлишип қалған уйғурлардин сирт 2014 - йили тайланд вә малайшия арқилиқ түркийәгә келип олтурақлишип қалған уйғур мусапирларму қатнашқан. Улар бу күтүвелиш арқилиқ түркийә дөләт рәиси рәҗәп тайип әрдоғанниң баш министир вақтида уйғурларниң тайланд вә малайшиядин елип келинишигә қилған ярдимигә рәһмәт ейтқан.

Шундақла сейит түмтүрк әпәнди уйғурларға вакалитән рәҗәп тайип әрдоғанниң йениға берип рәхмәт ейтқандин сирт бәзи йеңи тәләпләрни оттуриға қойған. Қарши елиш паалийити ахирлашқандин кейин д у қ муавин рәиси сейит түмтүрк әпәнди түркийә дөләт рәиси рәҗәп тайип әрдоған билән биллә қәйсәригә кәлгән бәзи министирлар билән учришип уйғурларниң һазирқи вәзийити тоғрисида мәлумат бәргән.

Түркийә дөләт рәиси рәҗәп тайип әрдоған 17 - май күни түркийәниң қәйсәри вилайитидә көп санда кархана, дохтурханиларниң ечилиш мурасимиға қатнишип нутуқ сөзлигән. 17 - Май күни ахшам зияпәт бәргән, зияпәткә қәйсәридики уйғурларму тәклип бойичә қатнашқан.

Пикирләр (0)
Share
Толуқ бәт