Uyghur musapirlar türkiye prézidénti erdoghanni qizghin kütüwélip teshekkürini bildürdi

Muxbirimiz erkin tarim
2015-05-19
Share
uyghurlar-erdoghan-rexmet-eytti.jpg Uyghurlar erdoghan'gha rehmet éytti
RFA/Erkin Tarim


Türkiye dölet re'isi rejep tayip erdoghan 17 - may yekshenbe küni türkiyening qeyseri wilayitige keldi. Qeyseride pa'aliyet élip bériwatqan sherqiy türkistan medeniyet we hemkarliq jem'iyitining uyushturushi bilen yüzligen Uyghur qolida türkiyening bayriqi bilen sherqiy türkistanning ay yultuzluq kök bayriqini kötürgen halda erdoghan ötidighan yolning boyigha chiqip qizghin kütüwaldi.

Séyit tümtürkning éytishiche bu kütüwélish pa'aliyitige qeyserige burun kélip olturaqliship qalghan Uyghurlardin sirt 2014 - yili tayland we malayshiya arqiliq türkiyege kélip olturaqliship qalghan Uyghur musapirlarmu qatnashqan. Ular bu kütüwélish arqiliq türkiye dölet re'isi rejep tayip erdoghanning bash ministir waqtida Uyghurlarning tayland we malayshiyadin élip kélinishige qilghan yardimige rehmet éytqan.

Shundaqla séyit tümtürk ependi Uyghurlargha wakaliten rejep tayip erdoghanning yénigha bérip rexmet éytqandin sirt bezi yéngi teleplerni otturigha qoyghan. Qarshi élish pa'aliyiti axirlashqandin kéyin d u q mu'awin re'isi séyit tümtürk ependi türkiye dölet re'isi rejep tayip erdoghan bilen bille qeyserige kelgen bezi ministirlar bilen uchriship Uyghurlarning hazirqi weziyiti toghrisida melumat bergen.

Türkiye dölet re'isi rejep tayip erdoghan 17 - may küni türkiyening qeyseri wilayitide köp sanda karxana, doxturxanilarning échilish murasimigha qatniship nutuq sözligen. 17 - May küni axsham ziyapet bergen, ziyapetke qeyseridiki Uyghurlarmu teklip boyiche qatnashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.