Xitay terepdari muhajir ablimit sadiq xitay merkizi hökümitide mesile barliqini tilgha aldi

Xitay da'iriliri yéqinqi yillardin béri dunyaning herqaysi jayliridiki özliri terepdari Uyghur muhajirlirini teshkillep, xitaygha qarita ziyaretlerni uyushturmaqta we ularning éghizi arqiliq xitayning milletler siyasitining toghriliqini we qusursizliqini teshwiq qilmaqta.

Mana bu guruppidiki kishilerdin biri awstraliyede yashawatqan muhajir ablimit sadiqtur. U muxbirimiz bilen ötküzgen söhbitining tünügün qismida, ene shu xitay terepdari guruppidikilerge mas halda Uyghur rayonida milletlerning “Bapbarawer” yashawatqanliqi we adaletsizlikning yoqluqini bayan qilghan idi. U söhbetning bügünki qismida, xitay merkizi hökümitining Uyghurlargha yürgüzgen siyasiy ijra'atlirida mesile barliqini, milletler ara tengsizlik sewebidin rayonda birmunchilighan köngülsiz weqelerning yüz bergenlikini tilgha aldi.