Xongkong da'iriliri Uyghurlarning xongkonggha kirishini chekligen

Ixtiyariy muxbirimiz haji qutluq qadiri
2017.06.26
ghoja-exmet-emirates-hawa-ayropilan.jpg ghoja-exmet-emirates-hawa-ayropilan.jpg
Photo: RFA

Radiyomizgha kelgen inkaslardin melum bolushiche, 24-iyun küni chet'el puqraliqidiki Uyghurlardin bir qanchisi xitayning alahide rayoni bolghan xongkonggha xizmet we tijaret bilen barghanda ularning chégrasidin kirishi cheklimige uchrap tutup qilin'ghandin kéyin, ereb birleshme xelipilikidiki dubeyge qayturulghan.

Melum bir dölettin dubeyge kélip, dubey arqiliq xongkonggha tijaret ishi bilen barghan, chet'el puqraliqidiki Uyghurlardin ghoja exmet bügün ziyaritimizni qobul qilip, özining sewebsizla xongkong da'iriliri teripidin chégradin kirgüzülmigenliki toghrisida toxtaldi.

Xongkongda da'iriliri ghoja exmetge xongkonggha kirmekchi bolghan bezi rayonlardiki bir qisim kishilerning alahide qattiq tekshürülidighanliqi toghrisida alahide eskertish bergen.

Ghoja exmet özining xongkong da'iriliri teripidin qattiq tekshürülgendin kéyin, saqchilarning tehditi bilen ereb birleshme xelipilikidiki dubeyge qayturulghanliqi toghrisida toxtaldi.

Biz ghoja exmetning uchurigha asasen, xongkong alahide rayoni chégradin kirish ishliri bashqurush ishxanisigha téléfon qilip, néme sewebtin Uyghurlarning xongkonggha kirishining toxtilighanliqi toghrisida toluq melumatqa érishishke tirishqan bolsaqmu, biraq téléfonimiz jawabsiz qaldi.

Biz ghoja exmetning yuqiriqi bayanlirigha asasen, dubey ayrodromidiki chégradin kirish ishliri ishxanisigha téléfon qilip ghoja exmetni néme sewebtin dubeyge qayturuwetkenliki toghrisida so'al sorighinimizda, mes'ul xadim bu heqte toxtilip: “Xongkong da'iriliri bizge yollighan bu heqtiki uchurda bu kishining xongkongdin qayturuwétilgenlikining sewebi körsitilmigen, peqetla bu kishining xongkonggha kirishini xongkong da'irilirining ret qilghanliqila bildürülgen” dédi.

Ghoja exmet söhbitimiz jeryanida yene, xongkong ayrodromida özi bilen birge dubeydin bir ayropilanda kelgen bir neper Uyghurning saqchilar teripidin élip kétilgenlikini we undin bashqa töt neper Uyghurningmu ayrodromda tutup qilin'ghanliqini bayan qildi.

Yaponiye metbu'atlirining ashkarilishiche, xitay dölet re'isi shi jinping mushu ayning 29-künidin kélerki ayning 1-künigiche xongkongda ziyarette bolidiken shundaqla bu jeryanda xongkongda ötküzülidighan xonkongning en'gliyedin qayturuwélin'ghanliqining 20 yilliqini xatirilesh murasimigha qatnishidighan bolup, da'iriler bu munasiwet bilen xongkongning bixeterlik xizmitini kücheytiwetken.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.