Yarkent teweside ötken meshrep yigit bashlirigha béghishlandi

Ixtiyariy muxbirimiz oyghan
2015.04.17
qazaqistan-almata-we-almata-wilayitidin-kelgen-wekiller-yarkent-2015-04-15.jpg Almata we almata etrapidin kelgen wekiller yarkentte
RFA/Oyghan


15 - Aprélda yarkent shehiride yigit bashlirigha béghishlan'ghan meshrep bolup ötti. Yarkent we uning etrapidiki yézilardin kelgen meshrep ehli almata shehiri we almata wilayitining chong yigit bashlirini alahide hörmet bilen kütiwaldi. Meshrep bégi özining kirish sözide mezkur meshrepning qazaqistandiki chong xatiriler, yeni qazaqistan xelqi assambléyisining 20 yilliqi, qazaq xanliqining 550 yilliqi, sowét - gérman urushidiki ghalibiyetning 70 yilliqi, shundaqla qazaqistan prézidénti saylimi harpisida ötüwatqanliqini alahide tekitlidi. U meshrepning milliy örp - adetlerni saqlap qélishtiki roli hemde yashlarni terbiyileshtiki ehmiyiti heqqide toxtaldi.

Sözge chiqqan jumhuriyetlik yigit bashlirining re'isi abduréshit mexsütof, panfilof nahiyilik medeniyet merkizi re'isining orunbasari abdusalam eliyéf shundaqla yarkent sheherlik hakimchiliqi wekilliri we bashqilar yigit bashlirining qazaqistan jem'iyitidiki, ularning milliy medeniyetni, ma'aripni rawajlandurushtiki rolini alahide tekitlidi. Meshrepte aktip pa'aliyet körsetken bir qatar yigit bashliri pexriy yarliqlar bilen teqdirlendi.

Ziyaritimizni qobul qilghan panfilof nahiyilik medeniyet merkizi re'isining orunbasari abdusalam eliyéf, panfilof nahiyilik bash yigit béshi azadjan iskenderof we yarkent sheherlik yigit bashlirining biri nurmuhemmet abdulla'éf bu heqte öz qarashlirini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.