Qazaq mutexessislirining neziridiki zamaniwi qazaqistan Uyghur prozisi

Qazaq alimliri zamaniwi Uyghur edebiyatining proza sahesini tetqiq qilish jeryanida yazghuchilarning roman, powést, hékayige oxshash her xil zhanirlarda yetken utuqlirini atap körsetken.

Ular shundaqla ediblerning weqelerni teswirleshtiki, qehrimanlar obrazlirini yaritishtiki, eser kompozitsiyisini tüzüshtiki, til-uslub jehettiki alahidiliklirige ehmiyet bérip, bolupmu ötkenki esirning axiri we bügünki kündiki edebiy jeryanini munasip bahalidi.

Qazaq tilida neshr qilin'ghan “Hazirqi edebiyattiki omumi insaniy qedriyetler” namliq monografiyede bilim we pen ministirliqi muxter ewézof namidiki edebiyat we sen'et institutining alimliri, filologiye penlirining doktorliri welixan qalijanow, shariyazdan élé'ukénof, güljahan orda Uyghur yazghuchiliridin exmetjan hashirof, alimjan bawdinof, shayim shawayéf, awut mesimof, gülbehrem xoshayéwa oxshash ediblerning ijadiyitige toxtalghan.

Ziyaritimizni qobul qilghan mezkur institutning bash ilmiy xadimi, filologiye penlirining doktori güljahan orda Uyghur prozisi heqqide öz pikirlirini otturigha qoydi.