Kondiliza rays kishilik hoquq mesiliside xitaygha bésim ishletti

Shangxey hemkarliq teshkilatigha eza döletlerning "diniy we milliy ishlargha mes'ul hökümet emeldarliri aspirantliq buyiche terbiyilesh kursi" 28 - iyun ürümchide ayaghlashqan bolup, tengritagh axbarat torida xewer qilinishiche, mezkur kurs xitay döletlik soda ministirliqining hawalisi bilen teshkillen'gen iken.
Muxbirimiz ömer qanat xewiri
2008-06-30
Share

Xewerde körsitilishiche, kursni Uyghur aptonom rayonluq tashqi soda nazariti üstige alghan bolup, kurs 16 - iyun ürümchide bashlan'ghan.

Melum bolishche, bu shu xildiki kurslarning ürümchide tunji qarar échilishi bolup, kursqa shangxey hemkarliq teshkilatigha eza döletlerdin kelgen 19 neper hökümet emeldari qatnashqan.

Xewer qilinishiche, mezkur kursantlargha pédagogika uniwérsitéti, aptonom rayonluq ijtima'iy penler akadémiyisi, diniy we milly ishlar komitéti qatarliq organlardin kelgen mutexessisler ders ötken hemde xitayning milliy we diniy ishlarni bashqurushqa alaqidar bir qisim siyaset hemde chet'elliklerning diniy pa'aliyetlirini bashqurushqa alaqidar belgilimilerdin liksiye sözligen.

Shangxey hemkarliq teshkilati xitayning teshebbusi bilen 2001 - yili 15 - iyun resmiy qurulghan bolup, beziler uni asiyadiki shimaliy atlantik ehdi teshkilati dep qaraydighan bolsimu, emma yene beziler hazirche bu teshkilatning asasliq nishani ottura asiyada siyasiy pa'aliyet élip bériwatqan Uyghurlarni chekleshke qaritilghanliqini ilgiri sürmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet