ئامېرىكىدا سەككىز مىليون مۇسۇلمان رامىزاننى داغدۇغىلىق باشلىدى

 ئامېرىكا ئاۋازىنىڭ بايان قىلىشىچە، رامىزان باشلانغاندىن كېيىن، ئامېرىكىدا ھەر قايسى جايلاردا مەسچىتلەردە ناماز ئۆتەش، ئىپتار قىلىش پائالىيەتلىرى كۆپەيدى. مەسچىتلەردە خىلمۇ - خىل دۆلەت بايراقلىرى ۋە مىللەت بەلگىلىرىنى كۆرگىلى بولىدۇ.

خەۋەردە بايان قىلىنىشىچە، ۋاشىنگتون ئىسلام مەركىزىدىكى پەلەستىنلىك ئېمىەن كۇيى ئىپتاردا مۇخبىرغا 'رامىزاندا مۇسۇلمانلار ئېتىقادىنى ۋە ئىتتىپاقلىق ئارزۇيىنى تاۋلايدۇ' دەپ چۈشەندۈرگەن.

سېنىگالدىن كەلگەن ئامېرىكىلىق ئامىنە تامبۇچ خانىم 'بۇ ئامېرىكىچە رامىزان، بۇ دۆلەتتە مۇسۇلمانلار كۈندۈزدە خۇددى ئەرەب ئەللىرىدىكىدەك ئۆيدە تۇرمايدۇ، بەلكى ھەممە ئادەم سىرتتا ئۆز خىزمىتىنى قىلىدۇ، مەكتەپلەردە ئوقۇيدۇ. رامىزان پائالىيىتىنى ھەر كىم ئۆزى ئەركىن ئورۇنلاشتۇرىدۇ' دەپ چۈشەندۈرگەن.