Президент буш, ху җинтавни далай лама билән сөһбәтни давамлаштурушқа чақирди

Америка президенти җорҗ буш сәйшәнбә күни хитай дөләт рәиси ху җинтав билән телефон арқилиқ көрүшүп, хитайдики йәр тәврәш вә тибәттики вәзийәтни муһакимә қилған.
Мухбиримиз әқидә хәвири
2008.05.13

 Хәвәрләргә қариғанда, президент буш, хитайда йүз бәргән йәр тәврәш сәвәбидин ху җинтав вә хитай хәлқидин һал сориған шуниңдәк тибәт мәсилиси үстидә тохтилип, ху җинтав дин далай лама билән сөһбәтни давамлаштурушни тәләп қилған.

Хитай ташқи ишлар минстирлиқиниң билдүрүшичә, ху җинтав, сөһбәт җәрянида, тибәтниң хитайниң ички иши икәнликини әскәрткән һәмдә америка һөкүмитиниң, тибәт мәсилисигә обиктип муамилә қилишини үмид қилидиғанлиқини тәкитлигән.

Бу арида, тибәтниң диний вә сиясий даһиси далай лама, ғәрб дөләтлиригә қаратқан зияритини башлаш һарписида, бейҗиң һөкүмити вә хәлқара җамаәтни, тибәткә хәлқара мәтбуатниң киришини асанлаштурушқа чақирди.

Далай лама чаршәнбә күни башлайдиған сәпири җәрянида, америка, австралийә, германийә, әнгилийә вә франсийини зиярәт қилидикән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.