فىلىپپىندىكى تەيفېڭ بورىنى ئاپىتىدە 150دىن ئارتۇق ئادەم ئۆلدى

21 - ئىيۇن كۈنى فىلىپپىننىڭ ئوتتۇرا ۋە جەنۇبى قىسىمى كۈچلۈك تەيفېڭ بورىنىنىڭ ھۇجۇمىغا ئۇچرىغان بولۇپ، مەزكۇر ئاپەتتە ھازىرچە 150 نەچچە ئادەمنىڭ ھاياتىدىن ئايرىلغانلىقى ئېلان قىلىندى.
مۇخبىرىمىز ئۈمىدۋار خەۋىرى
2008.06.22

 ب ب س نىڭ ئۇچۇرىدا ئېيتىلىشىچە، 600 دىن ئارتۇق يولۇچى، 100 دىن ئارتۇق پاراخوت خادىمى ۋە ماتروس بار "يۇلتۇز نۇر خانىش" ناملىق پاراخوت فىلىپپىن دېڭىز تەۋەلىكىدە تەيفېڭ بورىنىنىڭ ھۇجۇمىغا ئۇچرىغان بولۇپ، فىلىپپىن دېڭىز ئارمىيىسى ئۇلارنى قۇتۇلدۇرۇش ئۈچۈن ئىزدەش ئېلىپ بارغان.

بۇ پاراخوت شەنبە كۈنى ھادىسىگە ئۇچرىغان بولۇپ، بىراق دولقۇن ھەددىدىن زىيادە كۈچلۈك بولغاچقا ئىزدەش ئىشلىرى مۇمكىن بولمىغان. ئەمما، يەكشەنبە كۈنى داۋاملىق ئىزدەش باشلانغان. فىلىپپىن تەرەپنىڭ پەرەز قىلىشىچە، مەزكۇر پاراخوتنىڭ تەيفېڭ بورىنىدا چۆكۈپ كەتكەن بولۇشىنىڭ ئېھتىماللىقى زور. ھازىرغىچە پەقەت تۆت نەپەر ئادەم قۇتۇلدۇرۇلغان بولۇپ، قالغانلىرىنىڭ ئىز - دېرىكى يوق.
 
مەزكۇر تەيفېڭ بورىنى سائىتىگە 150 كىلومېتىر تېزلىكتە فىلىپپىننىڭ ئوتتۇرا ۋە جەنۇبىي قىسمىدا تۆت سائەت داۋاملاشقان بولۇپ نۇرغۇن ئۆيلەر ۋەيران بولغان. يوللار بۇزۇلغان، توك سىملىرى ئۈزۈلگەن. ھۆكۈمەت 100 مىڭ ئادەم چىقىرىپ قۇتۇلدۇرۇش ئىشلىرى ئېلىپ بارغان ھەمدە دۆلەت ئىچىدىكى ھاۋا يوللىرى ۋاقتىنچە قاتناش توختاتقان. بۇ بىر قېتىملىق ئېغىر ۋەقە بولۇپ ھېسابلىنىدۇ.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
دۇنيا خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.