Русийидә путин һәққидә ялған учур тарқатқан гезит тохтитилди

Йеқинда русийиниң москва шәһиридә чиқидиған гезитләрниң бири" москва мухбирлири" русийә президенти владимир путинниң аяли лудмила билән икки ай илгири аҗришип кәткәнлики һәмдә путинниң санкитпетербург шәһиридә атақлиқ муз тейилиш гимнастика маһири, олимпик чемпийони, русийә думасиниң әзаси алина кабайева билән той мурасими өткүзүдиғанлиқи һәққидә хәвәр тарқатқан иди.
Мухбиримиз үмидвар хәвири
2008.04.20

 Бу хәвәр тездинла пүтүн русийини зил - зилгә салди шундақла хәлқаралиқ қизиқиш қозғиди. Бу мунасивәт билән гүзәл тәнтәрбийә чолпини алина кабайева бу хәвәрни инкар қилипла қалмастин бәлки мәзкур гезитни сотқа тартидиғанлиқини җакарлиди. Президент путинму буни инкар қилди.

Русийиниң "дини.Ру" ториниң хәвәр қилишичә, путин 19 април күни италийини зиярәт қилғанда, мухбирларниң бу һәқтики соалиға дуч кәлгәндә, мәзкур хәвәрни инкар қилған һәмдә русийә аяллириниң әң гүзәл аяллар икәнликини махташ билән өзи һәққидә тарқалған учурниң ялғанлиқини әйиблигән.

 Бу вәқә мунасивити билән "москва мухбирлири гезити" иштин тохтитилған болсиму, бирақ путинниң шәхсий турмушиға аит учурлар бәрибир көпийишкә башлиған, кишиләр путинниң икки айдин буян аяли билән бир сорунда көрүнмигәнлики һәтта йеқинда америка президенти буш сочиға кәлгәндиму путинниң аялиниң мәйданда болмиғанлиқидин һәр хил қиясларни оттуриға чиқиришқан.

Қизиқ йери шуки, путин той қилиду дейилгән 24 яшлиқ гүзәл чолпанниң дадисиму, " әгәр қизим путинға тәгсә наһайити яхши иш бопту" дегән икән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.