Rusiyide bir ayropilan chüshüp ketti

Yekshenbe küni rusiyining xelq'ara we dölet ichige qatnaydighan hawa yolliri shirkiti "ayréflot" ning bir yoluchilar ayropilani ural taghliq rayonida chüshüp ketken.
Muxbirimiz ümidwar xewiri
2008-09-14
Share

 Rusiyining newsru uchur torining yézishiche, boyin737 tipliq mezkur ayropilan moskwadin sibiriye rayonidiki sana'et shehiri pérm shehirige qarap uchqan bolup, hazirche néme sewebtin bundaq hadise körülgenliki éniqlanmighan. Ayropilanda 82 yoluchi we alte neper ayropilan xadimi barliqi éniqlan'ghan bolup, bularning hemmisining qazagha uchrighanliqi jezimleshtürülgen. Uning üstige yene 82 yoluchining ichide 21 neper chet'el puqrasining barliqimu ashkarilan'ghan.

Rusiyide ayropilan chüshüp kétish ehwali ilgirimu da'im yüz bergen bolup, asasliqi sowét ittipaqi özi yasighan tu - 154 tipliq ayropilanlarning chüshüp kétish ehwali éghir bolghanliqi üchün, rusiye terep yéqinqi yillardin buyan chet'elning "boyin - 737" tipliq ayrupilanlirini sétiwélip, dölet ichi we xelq'araliq qatnashlargha ishletken idi.

Téxi aldinqi aydila qirghizistanning bir boyin - 737 tipliq yoluchilar ayropilani bishkektin téhran' gha uchush yolida chüshüp kétip, 60 tin artuq adem qazagha uchrighan idi.

Rusiye terepning élan qilghan ölgenler tizimlikide körsitilishiche, rusiye armiyisining chéchéniyidiki urushlargha qomandanliq qilghan sabiq bash qomandani génnadiy troshéwmu qazagha uchrighan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet