Кишилик һоқуқ көзитиш тәшкилати, бейҗиң олимпикиға капаләтчи болған ширкәтләрни тәнқид қилди

Мәркизи нюйорктики кишилик һоқуқни көзитиш тәшкилати дүшәнбә күни баянат елан қилип, бейҗиң олимпик йиғиниға капаләтчи болған 12 ширкәтни хитайда кишилик һоқуқниң дәпсәндә қилинишиға көз юмуп, иҗтимаий мәсулийәттин өзини қачурди" дәп тәнқид қилди.
Мухбиримиз гүлчеһрә хәвири
2008-08-19
Share

 Мәзкур тәшкилат йәнә, капаләтчи ширкәтләрниң хәлқара олимпик комитетиға бесим ишлитип, мәзкур комитет қармиқида, кишилик һоқуқ дәпсәндичиликини көзитидиған мәхсус орган тәсис қилишни вә буниңдин кейинки олимпик йиғинлириға назарәтчилик қилишини тәшәббус қилишни тәләп қилди.

Кишилик һоқуқни көзитиш тәшкилати баянатида, бейҗиң олимпик йиғиниға шерик бу 12 ширкәтниң һәммисини тәнқидлигән болуп, уларниң капаләтчиликини қолға кәлтүрүш үчүн 866 милйон доллар сәрп қилғанлиқини илгири сүргән.

Мәзкур орган йәнә, бу ширкәтләрниң айрим яки коллектип һалда бейҗиң олимпик йиғини билән мунасивәтлик кишилик һоқуқ дәпсәндичиликигә қарши турмиғанлиқини әйиблигән. Бу ширкәтләр мәтбуат чәклимиси, аққун ишчилар һоқуқи, өй игилирини мәҗбурий көчүрүш вәқәлиригә көз юмди"дәп әйибләнди.

Әйибләнгән ширкәтләр ичидә америка аммибап електир ширкити, кока кола, кодак, омега, панасоник, самсуң қатарлиқлар бар.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт