Yawropa ittipaqi xitaydin import qilin'ghan polat chiwiq üstide tekshürüsh élip baridu

Ötken bir yilda xitayning yawropa elliridiki polat sétish oboroti bir hesse ashqan bolup, netijide bu xil halet yawropadiki polat - tömür ishlepchiqarghuchi shirketlerning sodisigha ziyan körsetken bolghachqa, peyshenbe küni yawropa ittipaqi xitay yawropa bazarlirida polat bahasini qanunsiz halda töwenlitip satqan bolishi mumkin dep guman qilip bu heqte tekshürüsh élip baridighanliqini bildürgen.
Muxbirimiz jüme xewiri
2008.05.08

 Birleshme agéntliqining körsitishiche, eger xitayning yawropa bazarlirida öz polat mehsulatlirining bahasini töwenlitip tökme qilip sétip xelq'araliq soda qanunigha xilapliq qilghanliqi tekshürüp chiqsila, yawropa ittipaqi xitaygha besh yilliq soda jazasi qoyidiken.

Melum bolushiche, tekshürülidighan dölet ichide türkiye we moldawiyelermu bar bolup, bu nöwetlik tekshürüsh 2007 - yili 1 - apréldin bu yil 31 - martqiche bolghan ariliqta yuqiriqi döletlerdin import qilin'ghan polat chiwiq üstide élip bérilidiken.

Xitay yawropa ittipaqining eng chong soda shériki. Ötken bir yilda xitay bilen élip barghan sodida yawropa ittipaqi terepte 159 milyard yawru passip balans körün'gen, netijide yawropa ittipaqi xitay hökümitini xelq'ara bazarda üstünlükke érishish üchün öz pulining qimmitini qesten töwen tutup yawropa mallirining xitaygha éksport qilinishigha tosqunluq qiliwatidu dep eyibligen hemde xitayni öz pulining almashturush qimmitini ashurushqa qistighan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.