Явропа комитетиниң рәиси барросо вен җябав билән тибәт мәсилисини сөзләшти

Хитайда зиярәттә боливатқан явропа комитетиниң рәиси хусей мәнуел барросо, җүмә күни хитай баш министири вен җябав билән кишилик һоқуқи вә тибәт мәсилиси үстидә достанә һәм әркин азадә пикир алмаштурғанлиқини билдүрди.
Мухбиримиз әркин хәвири
2008.04.25

 Барросо вен җябав билән өткүзгән сөһбитидин кейин мухбирларни күтүвелип, "мән тибәт мәсилиси үстидә елип барған сөһбәттин илһамландим шундақла мән бу саһәдә иҗабий бир йүзлинишләрниң пат йеқинда мәйданға келишини үмид қилимән," дәп көрсәтти. У йәнә олимпик мусабиқисиниң тинч муһит астида өткүзүлүшини тәкитлиди.

Барросониң зиярити, ташқи дуняниң хитайни далай лама билән сөһбәт өткүзүшкә қиставатқан мәзгилидә елип берилди. У бу зияритидә хитай рәһбәрләр билән кәң даирилик мәсилиләрдә болупму сода, әқлий мүлүк һоқуқини қоғдаш вә йәр шари һава килимати қатарлиқ мәсилиләрдә сөһбәт өткүзди.

У бу қетимқи сәпиридә явропа комитетиниң қармиқидики 9 комисариятниң башлиқлиридин тәшкилләнгән бир өмәккә йитәкчилик қилип кәлгән иди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.