Künming shehiride yene yoluchilar aptobusida partlash hadisisi yüz berdi

Yünnen ölkisi künming shehiride düshenbe küni kechqurun bir yoluchilar aptobusida partlash hadisisi yüz bergen bolup, birleshme agéntliqida xewer qilinishiche, hazir yerlik hökümet da'iriliri partlash yüz bergen rayonni péchetlep tekshürüsh élip barmaqta iken.
Muxbirimiz jüme xewiri
2008-07-28
Share

 En'gliyidin chiqidighan (Guardian) gézitining béyjingdin xewer qilishiche, shinxu'a axbarat agéntliqi mezkur partilashning 28 - iyul düshenbe küni kech sa'et 8:30 ler etrapida K2 - yol yoluchilar aptobusining 54 - yol bilen késishidighan békiti: lyang jiyaxé békitide yüz bergenlikini xewer qilghan bolup, emma hazirche hadiside qaza qilghan we yaki yaridar bolghanlar heqqide tepsiliy melumat bérilmigen.

Künming shehiri bixeterlik organliri, mezkur partlash hadisisining aptobus matoridiki téxnikiliq kashila tüpeyli kélip chiqqanliqini ilgiri sürgen. Bu mushu ay ichide kunming shehiride ikkinchi qétim yüz bergen aptobus partlash hadisisi bolup, mushu ayning 21 - küni mezkur sheherning 54 - yolida ikki aptobus arqa arqidin partlighan hemde 3 adem ölgen we 14 adem yarilan'ghan idi.

Weqe yüz bergendin kéyin, yünnen ölkilik j x nazariti bayanat élan qilip, gerche 21 - iyul künmingda yüz bergen aptobus partlash weqesi pilanliq yosunda élip bérilghan bolsimu, lékin térrorchiliq bilen alaqisi yoqluqini otturigha qoyghan idi.

Halbuki, weqedin kéyin özini türkistan islam partiyisi dep ataydighan bir teshkilat, aldinqi hepte künming shehiride we bu yil mayda shangxeyde yüz bergen aptobus partlitish hadisilirige öz teshkilatining mes'ul ikenlikini jakarlighan bolsimu, emma shangxey saqchisi idarisining mu'awin bashliqi chéng jyulung shenbe küni muxbirlarni kütüwélish yighinda, türkistan islam partiyisi teshkilatining yuqiriqi bayanatini ret qilip, may éyida shangxeyde yüz bergen partilashning térrorluq teshkilatliri yaki béyjing olimpiki bilen héchqandaq alaqisi yoqluqini, shangxeydiki partlash hadisisini aptobusqa élip chiqilghan " asan köyidighan matériyallar" keltürüp chiqarghanliqini ilgiri sürgen idi.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet