Олимпик йиғини хитайда кишилик һоқуқниң яхшилинишида иҗабий рол ойниялмиған

 Хәвәрдә көрситилишичә, олимпик йиғини әслидә хитайдики кишилик һоқуқниң яхшилинишида һәл қилғуч рол ойнайду дәп қаралған болсиму, әмма кишилик һоқуқни көзитиш тәшкилатидики хитай тәтқиқатчиси николас бекулин, әксичә олимпикиниң хитайдики кишилик һоқуқ тәрәққиятини астилитип қойғанлиқини илгири сүргән.

У йәнә, олимпик йиғининиң хитайдики кишилик һоқуқниң яхшилинишида қилчиму рол ойниялмиғанлиқини һәмдә мушу мунасивәт билән кишилик һоқуқ паалийәтчилиригә қаритилған бастурушниң күчәйтилгәнликини билдүргән.

Һәммимизгә мәлум болғинидәк, хитай 2001 - йили олимпик саһибханлиқини елиш алдида, ахбарат әркинликини оз ичигә алған кишилик һоқуқниң һәр қайси тәрәплиридә илгириләш һасил қилидиғанлиқини вәдә қилған иди.

Ғәрб ахбаратлирида көрситилишичә, гәрчә бейҗиң олимпик йиғини башланғиниға бир һәптидин ашқан болсиму, әмма хитайда чәтәл ахбарат васитилиригә қаритилған чәкләш, наразилиқ намайишлириға рухсәт бәрмәслик вә өктичиләрни нәзәрбәнд қилишни күчәйтишкә охшаш қилмишларниң һечқайсисида юмшаш болғини йоқ.