Хитайниң олимпик мәшили австралийигә йетип кәлди

Хитайниң олимпик мәшили 4 ‏ - айниң 23 ‏ - күни австралийигә йетип кәлди. Бирләшмә агентлиқиниң бүгүн камберадин хәвәр қилишичә, 24 ‏ - април күни австралийә пайтәхти камберада хитайниң олимпик мәшили йеқилиду.
Мухбиримиз вәли хәвири
2008.04.23

 Хитай һөкүмити олимпик мәшилини 16 километир мусапидин тосқунлуққа учратмай өткүзүш үчүн 80 нәпәр қоғдиғучи орунлаштурған вә мәхпий йол пиланлиған. Австралийә һөкүмитиму мәшәл йеқиш паалийитини қоғдаш үчүн йүзлигән сақчи тәйинлигән.

Хәвәрдә ейтилишичә, хитай һөкүмити австралийидә оқуватқан хитай оқуғучилиридин 4000 кишини бу паалийәтни қоллашқа сәпәрвәр қилған. Мәшәл көтүрүш қошуни ичидики мәшһур әрбаплардин хатлифт дат әпәнди бүгүн мәшәл көтүрүштин ваз кәчкән. Олимпик мәшилини өчүрүшни мәқсәт қилған 500 тибәт хитайға қарши намайиш қилишқа тәйярланған. Седни шәһиридики чоң көврүктә йирақтин лазир нури билән чүшүрүлгән тибәт һәрикитини қоллайдиған шуарлар пәйда болған.

Америка авази ториниң баян қилишичә, австралийә даирилири хитайниң австралийә земинида өзиниң мәшилиниң бихәтәрликини қоғдаш тәдбирини қоллиниш һоқуқи йоқ, әгәр мәшәл өчүриветилсә, пәқәт уни қайтидин йеқиш мәсулийити бар, әгәр хитайниң мәшәл қоғдиғучилири намайишчилар билән тоқунушса қолға елиниду, дәп көрсәткән.

Дуня уйғур қурултейиниң вәкили һүсән әпәндиниң ейтишичә, австралийидики уйғур тәшкилатлиридинму седни, адалайд шәһәрлиридин йүзлигән адәм хитайниң олимпик мәшили йеқилидиған күни, хитайниң уйғурларға қаратқан сиясәтлиригә қарши намайиш қилиш үчүн камбераға маңған.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.