Шаңхәй олимпик һарписида келидиған содигәрләргә виза беришни тохтатти

Шаңхәй шәһәрлик һөкүмәт мәзкур шәһәргә олимпик һарписида келидиған содигәрләргә виза беришни тохтатқанлиқини уқтуруш қилған болуп, франсийә агентлиқида көрситилишичә, бу олимпикни тинч өткүзүшни капаләткә игә қилиш үчүн алған тәдбирлиридин бири икән.
Мухбиримиз җүмә хәвири
2008.07.24
Share on WhatsApp
Share on WhatsApp

 Хәвәрдә шаңхәй ташқи сода комитетиниң ейтқанлирини нәқил елип көрситилишичә, сода визиси вә базар тәкшүрүш виза илтимаслириға хитай һөкүмәт тәрәптин тәминлинидиған тәклип хәтлири олимпик ахириғичә тохтитилидикән.

Шаңхәй ташқи сода комитети өз тор бетидә елан қилған бу һәқтики уқтурушта, шаңхәйгә сода сәпири үчүн келидиған чәтәллик содигәрләр чоқум қарши тәрәптин әвәтилгән чақириқ қәғизини виза илтимасиға қошуп елип келиши көрситилгән һәмдә шаңхәйдики сода ширкәтлириниң муһим сода сәпири үчүн шаңхәйгә кәлмисә болмайдиған чәтәллик содигәрләргә шу хилдики чақириқни бериш нисбитини амалниң беричә кемәйтиши керәклики тәләп қилинған.

Мәлуматларға қариғанда, хитай һөкүмитиниң бу чәкләш қарари шу хилидики қарарларниң әң йеңиси болуп, тәнқидчиләрниң қаришичә, хитайниң шундақ васитиләрни қоллиништики мәқсити, олимпик җәрянида йүз бериш еһтималлиқи болған қаршилиқ намайишлириниң санини азлитиш учун икән.

Хитай һөкүмитиниң бу қарарни һечқандақ алдин уқтуруш бәрмәйла елан қилиши хитайда хизмәт қиливатқан явропа иттипақи сода комитетниң әндишисини қозғиған болуп, уларниң қаришичә, бу хил чәклимә хитайда сода қиливатқан чәтәл ширкәтлири үчүн җиддий мәсилиләрни туғдуридикән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.