Teybéy sot mehkimisi teywen prézidéntining dawasini ret qildi

 Bu yil mart éyida élip bérilghan teywenning prézidént saylimi harpisida, prézidént namzatliridin Xie Changting, reqibi ma yingjyuni xiyanetchi dep tenqid qilghan idi. Xie Changting Ning shu chaghdiki tenqidide, ma yingjyuning sheher bashliqi mezgilide, döletke a'it 340 ming dollar pulni shexsiy hésabigha yötkep ishletkenlikini bayan qilghan idi. Ma yingjyu bolsa, bu tenqidni inkar qilghan we qarshi terepni saylamda ighwagerchiliktin ibaret rezil taktika qollandi dep eyibligen idi.

Sot mehkimisining éniqlap chiqishida, ma yingjyuning xiyanetchilik qilghanliqi yalghan bolup ispatlan'ghan idi. Ma yingjyu saylamda utup wezipe tapshurup alghandin kéyin, sabiq reqibi Xie Changting üstdin dawa achqan. Teybéy sot mehkimisi bügünki qararida, Xie Changting ning tenqidining töhmet yaki ighwagerchilikke yatmaydighanliqini élan qildi.