Xitay hökümitining bixeterlik tedbirlirige qarimay tibet pa'aliyetchiliri béyjingdiki naraziliq heriketlirini dawamlashturmaqta

 Amérika birleshme agéntliqining béyjingdin xewer qilishiche, namayishchilar, " tibetke erkinlik" dep shu'ar towlighan. Xitay da'irilirining tyen'enmén meydanidiki qattiq bixeterlik tedbirlirige qarimay, naraziliq herikiti élip barghan mezkur tibetlik pa'aliyetchiler, uzun ötmey xitay bixeterlik xadimliri teripidin tutup kétilgen. Xewerde éytilishiche, ularning qaysi yerge élip kétilgenliki melum emes iken.

Jüme küni axshimi üch tibetlik pa'aliyetchi, béyjing olimpik tenheriket yighinining échilish murasimi ötküzülidighan döletlik stadyumning kirishide tibet bayraqlirini uchurtqanliqi üchün, xitay saqchiliri teripidin tutulup, shenbe küni xitaydin chiqiriwétilgen idi.

Charshenbe küni bolsa, töt tibetlik pa'aliyetchi, qosh uwisi depmu atalghan olimpik stadiyumining sirtidiki istolbulargha tibet bayriqi we tibetke erkinlik dégen lozunkini asqan bolup, ikkisi amérika, ikkisi en'giliye puqrasi bolghan mezkur tibet pa'aliyetchilirimu xitaydin chiqiriwétilgen idi.

Buningdin sirt yene, chet'ellerdiki tibetlermu Uyghurlargha oxshashlar dunyaning her qaysi döletliride xitay hökümitige qarshi naraziliq heriketlirini dawamlashturmaqta.