Хитай армийисиниң бир тик учар айропилани чүшүп кәтти

Сичүәндики йәр тәврәш апәт райониға ярдәм бериш, ярдәм буюмлирини тошуш қатарлиқ хизмәтләрни беҗириватқан хитай азадлиқ армийиси чеңду һәрбий райониниң миг - 171 типлиқ бир тик учар тошуш айропилани 31 - май күни тошуш вәзиписини орундап болуп қайтиш сәпиридә вен чүән наһийиси әтрапида һаваниң булутлунуши билән һадисигә учриған.
Мухбиримиз үмидвар хәвири
2008-06-01
Share

 Шинхуаниң хәвәр қилишичә, айропиланда 19 нәпәр адәм болуп, бәш нәпири учқучи һәм айропилан хадими, қалған 14 нәпәр адәм болса, қутқузулған яридарлар һәм мунасивәтлик шәхсләр икән. Һазирчә буларниң һәммисиниң өлгән яки яридар болғанлиқи ениқ әмәс. Хитай дөләт рәиси хуҗинтав бу хәвәрни уққандин кейин пүтүн күч билән издәш һәм қутулдуруш елип беришни тәләп қилған.

Бу 20 күндин буян давамлишиватқан апәттин қутулдуруш хизмәтлири җәрянида йүз бәргән бир қетимлиқ еғир вәқә болғанлиқи үчүн, буниңға хитайниң һәрбй вә сиясий рәһбәрлири алаһидә диққәт қилған, хитай һәрбий ишлар комитетиниң муавин рәиси гуо бошуң сичүәнгә берип, айропиланниң һадисигә учраш әһвалини игиләш һәм қазаға учриғучиларни издәш хизмитигә биваситә қоманданлиқ қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт