Xitay armiyisining bir tik uchar ayropilani chüshüp ketti

Sichüendiki yer tewresh apet rayonigha yardem bérish, yardem buyumlirini toshush qatarliq xizmetlerni béjiriwatqan xitay azadliq armiyisi chéngdu herbiy rayonining mig - 171 tipliq bir tik uchar toshush ayropilani 31 - may küni toshush wezipisini orundap bolup qaytish sepiride wén chü'en nahiyisi etrapida hawaning bulutlunushi bilen hadisige uchrighan.
Muxbirimiz ümidwar xewiri
2008-06-01
Share

 Shinxu'aning xewer qilishiche, ayropilanda 19 neper adem bolup, besh nepiri uchquchi hem ayropilan xadimi, qalghan 14 neper adem bolsa, qutquzulghan yaridarlar hem munasiwetlik shexsler iken. Hazirche bularning hemmisining ölgen yaki yaridar bolghanliqi éniq emes. Xitay dölet re'isi xujintaw bu xewerni uqqandin kéyin pütün küch bilen izdesh hem qutuldurush élip bérishni telep qilghan.

Bu 20 kündin buyan dawamlishiwatqan apettin qutuldurush xizmetliri jeryanida yüz bergen bir qétimliq éghir weqe bolghanliqi üchün, buninggha xitayning herby we siyasiy rehberliri alahide diqqet qilghan, xitay herbiy ishlar komitétining mu'awin re'isi gu'o boshung sichü'en'ge bérip, ayropilanning hadisige uchrash ehwalini igilesh hem qazagha uchrighuchilarni izdesh xizmitige biwasite qomandanliq qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet