Хитайниң инсан һәқлири хатириси америка дөләт мәҗлисидә йәнә тәнқидкә учриди

Бүгүн америка дөләт мәҗлисиниң ташқи ишлар комисйони "олимпик һарписидики хитай" намида гуваһлиқ йиғини өткүзди. Йиғинда, хитайниң инсан һәқлири хатириси йәнә бир қетим тәнқидкә учриди. Йиғинда сөз қилған америка авам палата әзалиридин Ros Lehtinen хитайниң олимпик һарписида өктичи сиясий һәрикәтләргә қарита бастурушни күчәйткәнликини тәнқид қилди.
Мухбиримиз шөһрәт һошур хәвири
2008.07.23
Share on WhatsApp
Share on WhatsApp

 У сөзидә хитайниң, йеқинқи күнләрдә, олимпик вәдисигә тамамән хилап һалда, бастурушни күчәйткәнликини әскәртип, хитайда олимпик йеқинлашқан мушу күнләрдиму өлүм җазалириниң иҗра қилиниватқанлиқини, тутқун қилишниң давам қиливатқанлиқини тәнқид қилди. У сөзидә йәнә, хитайниң зиянкәшликигә учраватқанлар қатарида, фалунгуңчиларни, хитай дүшмини дәп қаралған өктичиләрни, шималий корийидин кәлгән сиясий илтиҗачиларниму қошуп тилға алди.

Ros Lehtinen Сөзидә йәнә, хитайниң дарфур хәлқи чекиватқан зулум, бермилиқлар тартиватқан азаптиму сәвәбкарлар қатарида санилидиғанлиқини билдүрди.
 У сөзиниң ахирида, хитайни олимпикниң образиға изчил түрдә дағ чүшүрүватиду дәп әйиблиди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.