Xitay musherrefning istipa bérishining pakistan - xitay munasiwetlirige tesir körsetmeslikini kütmekte
Xewirde, 19 - awghust küni xitay tashqi ishlar ministiri chin gang xitay hökümitining,pakistan prézidénti musherrefning istipa bérishining, pakistanning xitayni öz ichige alghan qoshna döletler bilen bolghan dostane munasiwetlirige tesir körsetmeslikini ömid qilidighanliqini ipadiligen bolup, u" musherrep dewride ornitilghan ikki dölet dostluqining yenimu ilgiriligen halette dawamlishidighanliqigha ishinimiz " dégen.
Perwiz musherrep düshenbe küni pakistanning prézidéntliq wezipisidin istipa berdi. Xitay bilen pakistan uzun yilliq hemkarliq munasiwitige ige, musherrep iqtisadiy we herbiy hemkarliqlarni kücheytish yolida ilgiri köp qétim xitayda ziyarette bolghan. Biraq bu qétimliq béyjing olimpiki pakistan parlaméntining perwiz musherrefning wezipisini élip tashlashqa heriket qiliwatqan peytige toghra kelgechke, musherrep olimpik échilish murasimigha qatnishalmighan.
Musherrefning xitaygha qilghan axirqi ziyariti bu yil aprilda élip bérilghan idi. Xitay pakistanning yadro énérgiye qurulushigha yardem bergen shundaqla ikki dölet bu yildin bashlap besh yilgha qeder jem'iy 15 milyard dollarliq erkin soda élip bérishqa kélishken idi.
Musherref xitay - pakistan munasiwitide muhim rol oynap kelgen bolsimu, emma béyjing terep, pakistan'gha Uyghur qoralliq küchlirining pakistan chégrisi ichide yoshorunushigha yochuq bermeslik heqqide bésim ishlitip keldi.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
- Doktor adriyan zénz gérmaniyediki Uyghur jama'iti teripidin qizghin alqishlandi
