Xitay hökümiti chet'ellik sen'etchilerni xitayning igilik hoquqigha chéqilmasliqqa agahlandurdi

Béyjing hökümiti peyshenbe küni xitayda oyun körsitidighan chet'ellik sen'etchiler yaki tenterbiyichilerni xitay qanuni, milletler ittipaqliqi we xitayning igilik hoquqigha dexli - teruz qilidighan söz ‏ - heriketlerde bolmasliqqa agahlandurdi.
Muxbirimiz erkin xewiri
2008.07.18
Share on WhatsApp
Share on WhatsApp

 Chet'el metbu'atliri bu agahlandurushni xitay da'irilirining olimpik yighini yétip kélishtin burun jiddiylishiwatqanliqi we bi'aram boluwatqanliqining yene bir ipadisi, dep qarimaqta.

Xitay mediniyet ministirliqi tor békitide élan qilghan bu heqtiki bir uqturushida, chet'ellik sen'etchilerning junggoda körsitidighan sen'et nomurlirining mezmuni milletlerni öz ‏ - ara öchmenlikke küshkürtidighan, junggo qanuni, döletning igilik hoquqi, döletning bixeterliki we milletler ittipaqliqigha ziyan salidighan mezmunlarda bolmasliqi kérek, dep tekitligen. Islandiyilik naxshichi bjork bu yil 3 ‏ - ayda shangxeyde naxsha kéchiliki ötküzüp, naxsha arisida xitay tamashibinlargha " tibet", " tibet", dep xitap qilghan.

Bu weqe xitay da'iriliri üchün bir agahlandurush bolup qalghan. Béyjing hökümiti eyni chaghda bjorkning herikitini " junggo qanunini buzghanliq, junggo xelqining héssiyatigha azar bergenlik " dep eyibligen idi. Bjork naxsha kéchilikide Uyghurlarni tilgha almighan bolsimu, lékin uning etlestin köynek kiyiwalghanliqi chet'ellerdiki Uyghur közetküchilerning diqqitini tartqan shundaqla bu Uyghur medeniyitini qoghdap qélish kéreklikige da'ir bir "bisharetning alamiti" dep mulahize qilin'ghan.

Birleshme agéntliqi da'irilerning béyjingdiki qawaqxanilarda neq meydan konsért qoyushni chekligenliki, bir muzika körikining bikar qilin'ghanliqi we kulublar konsért qoymaqchi bolsa ruxset élishni békitkenliki tüpeyli" béyjingda yaz pesli bolushigha qarimay, muzikantlarning qishliq uyquda " ikenlikini bildürdi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.