Хитай һөкүмити шималий корийиликләрни олимпиктин бурун хитайдин айрилишқа буйриди

 Хәвәрдә көрситилишичә, хитай ташқи ишлар министирлиқидики шаң фамилилик бир хадим өзиниң бундақ иштин хәвәрсиз икәнликини уқтурған һәмдә шималий корейә әлчиханисиму бу һәқтә тартилиштин өзини қачурған.

Хитай һөкүмити шималий корийидин қечип кәлгән мусапирларни, пул тепиш учун кәлгән ишләмчиләр дәп тонуп уларға сиясий панаһлиқ беришни рәт қилидиған болғачқа, хитай мунасивәтлик тармақлириниң қолиға чүшүп қалған шималий корийилик мусапирлар мәҗбурий һалда өз дөлитигә қайтурулиду.

Кишилик һоқуқи паалийәтчилириниң көрситишичә, һазир хитайда нәччә он миң шималий корийилик мусапир мөкүп яшайдиған болуп, уларниң хитайда җисманий вә роһий җәһәттин хорлинишқа учраш, қиз - чоканларниң башқиларға хотунлуққа сетилиш вә җинсий қуллуққа тутулуш хәтири интайин юқири икән.