'Җуңгода дөләт мәнпәәти үчүн алдамчилиқ қилиш керәкму?'

Бейҗиң олимпик мусабиқисиниң ечилиш мурасимида, интайин йеқимлиқ аваз вә омақ бәдән һәрикити билән ипадиләп вәтән һәққидә нахша ейтқан лин мяв исимлик бир кичик нахша чолпини дуняға тонулған иди.
Мухбиримиз вәли хәвири
2008.08.13

 Америка авазиниң баян қилишичә, мурасимдин кейин хитайдики тор бәтлири вәтән һәққидики бу нахшини интайин йеқимлиқ аваз билән ейтқан лин мяв әмәс, бәлки яң пеййи исимлик йәттә яшлиқ башқа бир қизчақ икәнликини, у пәқәт чирайлиқ болмиғанлиқи үчүнла сәһнигә чиқирилмиғанлиқини паш қилди.

Олимпик мусабиқисиниң ечилиш мурасимида салйот арқилиқ шәкилләндүрүлгән 29 пут изиму нәқ мәйдандин елинмиған, бәлки компютер арқилиқ алдин тәйярлап чиқилған картун икәнлики һазир ашкариланди.

Хәвәрдә ейтилишичә, һазир хитайдики тор бәтлиридә 'җуңгода дөләт мәнпәәти үчүн алдамчилиқ қилиш керәкму?' дегән соаллар оттуриға чиқти вә бу һәқтә бәс ‏ - муназирә башланди.

Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.