Ikki aka - uka xitay sütke ximiyilik madda mélaminni qoshup satqan

Zeherlen'gen bowaqlar parashoki délosigha alaqidar ikki aka - uka xitay saqchi da'iriliri teripidin tutulghan bolup, xitay axbaratlirida körsitilishiche, ular esli xitaydiki bowaqlar süt parashoki ishlepchiqarghuchi bir qeder chong shirket senlu shirkitining süt teminligüchiliri iken.
Muxbirimiz jüme xewiri
2008.09.15
Share on WhatsApp
Share on WhatsApp

 Shinxu'a agéntliqida xewer qilinishiche, géng famililik bu aka ‏ - ukilar senlu shirkitining xébéy ölkisidiki süt teminligüchiliri bolup, ular süt terkibidiki aqsil körsetküchini yuqiri körsitish üchün, süt terkibige ximiyilik madda mélaminni qoshuwetken iken.

Xitay sehiye ministirliqining bildürüshiche, hazirgha kelgüche mezkur süt parashokidin 1253 bowaq zeherlen'gen hemde ikki bowaq zeherlinip ölüp ketken.

Mélamin esli yaltiraq matériyallarni ishlepchiqishta ishlitilidighan ximiyilik madda bolup, adem istémal qilsa börekning iqtidarini ze'ipleshtürüp ademning jénigha zamin bolidiken.

Hazirghiche bu ikki aka - uka mélamin qoshulghan 3 tonna süt satqan bolup, xitay hökümet da'iriliri 2176 tonna süt parashokini yighiwalghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.