Хитайда сүт парашоки түпәйли йәнә кесәл пәйда болди

Хитай мәркизи агентлиқи пәйшәнбә күни, хебей шиҗаҗуаң сәнлу гуруһи һәссидарлиқ ширкитиниң баянатини елан қилип, 2008 ‏ - йили 8 ‏ - айниң 6 ‏ - күнидин бурун ишләпчиқирилған балилар сүт парашокиниң бир хил химийилик мадда билән булғанғанлиқини шуниңдәк барлиқ сүт парашоклирини йиғивелишни қарар қилғанлиқини билдүрди.

Буниңдин илгири, гәнсу қатарлиқ җайларда бовақларниң сүйдүк йолида таш йиғилип қелиш кесәллики пәйда болған болуп, тәкшүрүш нәтиҗисидә көплигән бовақларниң " сәнлу " маркилиқ сүт парашокини истимал қилғанлиқи ашкариланған икән.

Гәнсу өлкилик сәһийә министирлиқи икки йилдин буян, пүтүн өлкә буйичә бовақларға қарита тәкшүрүш елип берип, 59 балиниң бөрәк иқтидариниң начар икәнликини байқиған вә бу түпәйли бир бала қаза қилған.

Буниң билән хитай сәһийә министирлиқи мәзкүр һадисигә мунасивәтлик әһвалларни дуня сәһийә тәшкилати вә алақидар дөләтләргә йоллиған.

2004 ‏ - Йили, хитайниң әнхуй өлкисидә ишләнгән сүт парашокини истимал қилған бовақларниң баш қисми йоғинап кетиш һадисиси йүз берип, 14 бовақ һаятидин айрилған иди.