Гуаңшидики химийә санаәт завутида партилаш йүз берип 16 адәм өлди

Хитайдики учур вастилириниң хәвиридин мәлум болушичә, 26 - авғуст сәйшәнбә күни сәһәр 6 дә гуаңшиниң йиҗу шәһәр әтрапиға җайлашқан бир химийә санаити завутида партилаш вәқәси йүз бәргән.
Мухбиримиз гүлчеһрә хәвири
2008.08.26
Share on WhatsApp
Share on WhatsApp

  Мәзкүр партилаш вәқәси һәққидә игә болған әң йеңи мәлуматларға асасланғанда, һазирғичә партлашта 16 адәмниң өлгәнлики, йәнә 60 кишиниң яриланғанлиқи вә йәнә 6 синиң из дерики болмиғанлиқи мәлум болди.

Хитай ахбаратлириниң гуаңши җуаңзу аптоном районлуқ зәһәрләнгәнләрни җидди қутқузуш дохтурханисидин игиләп тарқитишичә, партилаш йүз бәргән хемийә санаәтـ завутиға йеқин бир километир даиридин он миңчә аилә бихәтәр җайларға көчүрүлгән.

Нөвәттә мәзкур партилаш вәқәси йүз бәргән җайда қутқузуш, от өчүрүш давамлишиватқан болуп, зәһәрлик газдин мудапиәлиниш кийимлирини кийгән хадимлар карантин қилинған завут әтрапида йәнә химийилик газлардин зәһәрлинип өлгүчи һәм яридар болғучиларни давамлиқ издимәктә икән.

Даириләр дәсләпки қәдәмдики тәкшүрүшкә асасән, вәқәни ишләпчиқириш бихәтәрликигә даир партилаш вәқәси дәп елан қилди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.