Ху җинтав японийидә наразилиқ намайишлири билән қарши елинди

Сәйшәнбә күни японийигә қаратқан зияритини башлиған хитай дөләт рәиси ху җинтав, хитай һөкүмитиниң тибәттики бастуруш һәрикити вә уйғурларға қаратқан бесимини әйиблигән миңлиған кишиниң наразилиқ һәрикәтлиригә дуч кәлди.
Мухбиримиз өмәр қанат хәвири
2008.05.06

 Намайишчилар, хитай һөкүмитиниң тибәттики бастуруш һәрикитигә наразилиқ билдүрүш билән бирликтә, японийә һөкүмитидин, кишилик һоқуққа һөрмәт қилиши үчүн, ху җинтавға бесим ишлитишини тәләп қилған.

Хәвәрләргә қариғанда, японийә сақчилири, "қатил ху җинтав", "йоқалсун ху җинтав" дәп шоарлар товлиған намайишчиларниң, ху җинтавниң токйодики учришишилириға дәхли йәткүзүшиниң алдини елиш үчүн, токйо шәһириниң мәркизидики һибия парк бағчиси әтрапида җиддий бихәтәрлик тәдбирлири алған.

Намайишлардин башқа йәнә, юкийо идано қатарлиқ японийә парламент әзалири баш министир фукодани, ху җинтав билән көрүшкәндә тибәт вә кишилик һоқуқ мәсилисини чоқум оттуриға қоюшқа чақирған.

Бу қетимқи зиярәт хитай дөләт рәиси хуҗинтавниң бейҗиң олимпик тәнһәрикәт йиғинини байқут қилиш тоғрисидики тәләпләрниң оттуриға қоюлушиға сәвәб болған март ейида тибәттә йүз бәргән қозғилаңдин кейин, чәт дөләткә қаратқан тунҗи зиярити һесаблиниду.
Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.