កម្ពុជា​បដិសេធ​ជា​ផ្លូវការ​មិន​ធ្វើ​បត្យាប័ន​ក្នុង​ករណី​ថាក់ស៊ីន

លោកនាយករដ្ឋមន្ត្រី ហ៊ុន សែន បាន​ប្រកាស​នៅ​ចំពោះ​មុខ​អ្នក​កាសែត​ជាតិ​និង​អន្តរជាតិ​ថា កម្ពុជា​ប្រកាន់​ជំហរ​ដាច់​ខាត​មិន​ធ្វើ​បត្យាប័ន​លោក ថាក់ស៊ីន ឈីនណាវ៉ាត្រ (Thaksin Shinawatra) តាម​លិខិត​ពី​រដ្ឋាភិបាល​ក្រុង​បាងកក​ដែល​ផ្ញើ​មក​កម្ពុជា​នៅ​ថ្ងៃ​១១ វិច្ឆិកា។
ដោយ សេក បណ្ឌិត
2009-11-11
Share
ថាក់ស៊ីន​ហ៊ុន​សែន​៣០៥ ១០-វិច្ឆិកា-០៩: អតីត​នាយករដ្ឋមន្រ្តី​ថៃ លោក ថាក់ស៊ីន ឈីនណាវ៉ាត្រ (Thaksin Shinawatra) [ស្ដាំ] ចាប់​ដៃ​ជាមួយ​នាយករដ្ឋមន្រ្តី​ខ្មែរ លោក ហ៊ុន សែន នៅ​គេហដ្ឋាន​ដែល​លោក ហ៊ុន សែន បាន​រៀបចំ​ទុក​ឲ្យ​នៅ​ក្នុង​រាជធានី​ភ្នំពេញ។
AFP Photo

ស្រប​ពេល​ដែល​លោក ថាក់ស៊ីន អតីត​នាយក​រដ្ឋមន្ត្រី​ថៃ​ដែល​ត្រូវ​គេ​បណ្តេញ​ចេញ​ពី​តំណែង​ដោយ​រដ្ឋ​ប្រហារ​យោធា កំពុង​ស្នាក់​នៅ​ក្នុង​ប្រទេស​កម្ពុជា រដ្ឋាភិបាល​ថៃ​បាន​ផ្ញើ​សំណុំ​លិខិត​ជា​ផ្លូវការ​ដោយ​សុំ​ឲ្យ​រដ្ឋាភិបាល​កម្ពុជា ចាត់​ការ​បញ្ជូន​ខ្លួន​លោក ថាក់ស៊ីន ទៅ​ឲ្យ​រដ្ឋាភិបាល​ក្រុង​បាងកក​វិញ នៅ​ព្រឹក​ថ្ងៃ​ពុធ ទី​១១ វិច្ឆិកា ឆ្នាំ​២០០៩ ទៅ​តាម​អ្វី​ដែល​កម្ពុជា​ធ្លាប់​មាន​កិច្ចព្រមព្រៀង​ជាមួយ​ថៃ​ក្នុង​ការ​ធ្វើ​បត្យាប័ន។

ប៉ុន្តែ​លិខិត​ស្នើ​សុំ​របស់​ថៃ​ត្រូវ​បាន​លោក​នាយករដ្ឋ​មន្ត្រី​ខ្មែរ​ថ្លែង​ទាត់​ចោល​ចំពោះ​មុខ​លោក ថាក់ស៊ីន ក្នុង​ឱកាស​ជំនួប​ជា​លក្ខណៈ​គ្រួសារ​រវាង​លោក ថាក់ស៊ីន និង​លោក ហ៊ុន សែន នៅ​ភូមិគ្រឹះ​របស់​លោក​នៅ​ក្រុង​តាខ្មៅ ខេត្ត​កណ្តាល នៅ​ថ្ងៃ​ពុធ ទី​១១ វិច្ឆិកា។

លោក ហ៊ុន សែន មាន​ប្រសាសន៍​ដូច្នេះ ៖ «ថ្ងៃ​នេះ​គេ​បាន​បញ្ជូន​លិខិត​សុំ​ធ្វើ​បត្យាប័ន ឯកឧត្ដម ថាក់ស៊ីន ត្រឡប់​ទៅ​ថៃ​វិញ កម្ពុជា​ឥឡូវ​ហ្នឹង​ក៏​ប្រហែល​ជា​បាន​លិខិត​ហ្នឹង​ហើយ គិត​ថា​បញ្ជូន​ត្រឡប់​ទៅ​វិញ​នូវ​លិខិត​បដិសេធ របស់​យើង​អំពី​ការ​មិន​បញ្ជូន»

ថ្លែង​បែប​នេះ​តាម​រយៈ​សន្និសីទ​កាសែត​នៅ​ភូមិគ្រឹះ​លោក​នាយករដ្ឋមន្រ្តី ហ៊ុន សែន នៅ​ក្រុង​តាខ្មៅ ហើយ​ត្រូវ​បាន​គេ​ចាក់​ផ្សាយ​តាម​កញ្ចក់​ទូរទស្សន៍​ជាតិ​កម្ពុជា នៅ​ថ្ងៃ​ពុធ​ទី​១១ វិច្ឆិកា។

ជាមួយ​គ្នា​នេះ​ដែរ​លោក ថាក់ស៊ីន ឆ្លើយ​តប​នឹង​សំណួរ​របស់​អ្នកសែត​ដែល​សួរ​ថា តើ​លោក​មាន​អារម្មណ៍​ភ្ញាក់​ផ្អើល​យ៉ាង​ណា​ដែរ​ទេ នៅ​ពេល​ដែល​មាន​លិខិត​រដ្ឋាភិបាល​លោក អាភីស៊ិត វេតឆាឈីវ៉ាក់ (Abhisit Vejjajiva) ស្នើ​ឲ្យ​ធ្វើ​បត្យាប័ន​រូប​លោក​ពី​ប្រទេស​កម្ពុជា​នោះ?

លោក​បាន​បញ្ជាក់​ថា លោក​មិន​មាន​ការ​ភ្ញាក់​ផ្អើល​អ្វី​នោះ​ទេ ព្រោះ​នៅ​ប្រទេស​ផ្សេងៗ ដែល​មិន​មាន​កិច្ច​ព្រមព្រៀង​បត្យាប័ន ក៏​រដ្ឋាភិបាល​ថៃ​បច្ចុប្បន្ន​បាន​ផ្ញើ​លិខិត​ឲ្យ​បញ្ជូន​ខ្លួន​លោក​នៅ​ពេល​ដែល​លោក​មាន​វត្តមាន​នៅ​ក្នុង​ប្រទេស​ណា​មួយ​នោះ។

លោក ថាក់ស៊ីន ឈីនណាវ៉ាត្រ បាន​បញ្ជាក់​ដូច្នេះ ៖ "ខ្ញុំ​រំពឹង​ថា គេ​នឹង​ធ្វើ​ដូច្នេះ ពីព្រោះ​គេ​តាម​ប្រមាញ់​ខ្ញុំ​ទៅ​តាម​ប្រទេស​ដែល​ខ្ញុំ​មាន​កិច្ច​ព្រមព្រៀង ក៏​គេ​បញ្ជូន​ទៅ​ដែរ..."

ជាមួយ​គ្នា​នេះ​ដែរ កម្ពុជា​បាន​ធ្វើ​កំណត់​ទូត​មួយ​ផ្ញើ​ទៅ​ក្រុង​បាងកក​វិញ ដោយ​មិន​ទទួល​យក​ការ​ស្នើ​សុំ​ឲ្យ​ធ្វើ​បត្យាប័ន​លោក ថាក់ស៊ីន នោះ​ឡើយ។

ឆ្លើយ​តប​នឹង​ការ​ទាត់​ចោល​នេះ លោក​នាយករដ្ឋមន្រ្តី​នៃ​ប្រទេស​ថៃ អាភីស៊ិត វេតឆាឈីវ៉ាក់ បាន​សម្តែង​ការ​សោកស្តាយ​ចំពោះ​ប្រទេស​កម្ពុជា​ដែល​រំលោភ​ច្បាប់​អន្តរជាតិ។

តាម​កាសែត​ថៃ The Nation បាន​រាយការណ៍​ថា រដ្ឋមន្ត្រី​ក្រសួង​ការបរទេស​របស់​ប្រទេស​ថៃ នឹង​ដាក់​សំណើ​សុំ​បត្យាប័ន​លោក ថាក់ស៊ីន ជា​ថ្មី​ម្តង​ទៀត​នៅ​ពេល​ខាង​មុខ។

លោក ថាក់ស៊ីន បាន​មក​ដល់​ប្រទេស​កម្ពុជា​កាល​ពី​ថ្ងៃ​ទី​១០ វិចិ្ឆកា តាម​យន្តហោះ​ផ្ទាល់​ខ្លួន ក្នុង​នាម​លោក​ជា​ទីប្រឹក្សា​សេដ្ឋកិច្ច​របស់​រដ្ឋាភិបាល​កម្ពុជា និង​ជា​ទីប្រឹក្សា​ផ្ទាល់​លោក​នាយករដ្ឋមន្រ្តី ហ៊ុន សែន៕

ព័ត៌មាន (9)

មើល​មតិ​ទាំង​អស់.

Anonymous says:
Nov 11, 2009 01:03 PM

Cambodia should sent thaksin shinawatra back to thailand,becoz,this case is criminal.why cambodia Prime Minister take upa position as a adviser to Mr hun sen.wether this movement is advantage to Nation or Hun sen's....

Anonymous says:
Nov 13, 2009 11:28 AM

No place for him to go. Before he was at England but England didnt allow him a shelter. He is now hosted by Khmer leaders because of personally interest. England think that Thaksin's case is fugitive, is not a politic reason. So, the water and oil will be not the same thing. Thaksin finds for place to stay the same thing, water and water or oil and oil.

Anonymous says:
Nov 11, 2009 01:47 PM

I hope Mr.Thaksin is able to help Prime minister Hun Sen to find the way to urge Khmer millionaire to invest their capitals in Cambodia instead of depositing to foreign banks. That can help to reduce poverty.

Anonymous says:
Nov 11, 2009 03:39 PM

Prime Minister Hun Sen did the right thing, by disregard the request by Thai government to extradites Mr Thaksin Shinawatra. What the next move for Thai government.

Anonymous says:
Nov 13, 2009 11:49 AM

I always love,support,and praise Prime Minister Hun Sen,hoping he has made a good decision.His courage,honesty,and wisdom will lead Khmer people to bright future.

Anonymous says:
Nov 11, 2009 03:31 PM

we should make friend with whom want see our people live with development so we are suport hun sen for this action .

Anonymous says:
Nov 11, 2009 05:30 PM

I am afraid this is a setup by Thaksin and Bangkok to achieving Thai's strategic goal of maximum gains in economic, territory, and politics. Economically, Thai has used the current situation as pretext to repeal any bilateral agreements that might not benefit Thai as they expected. Territorially, Thai wants to abolish any agreements signed with Cambodia when Thaksin was Prime Minister. This include MOU on the so-called overlap zone in the Khmer sea. They also test Khmer's resolve regarding French-Siem 1907 treaty on Khmer-Thai border. This is ridiculous. If Thai can do it, we can ask French to repeal French decision and claim back Kampuchea Krom; England can claim back all its colonies in Europe, Africa and Asia... Politically, Thai has successfully scapegoated Cambodia for its internal unrest for partisan political gains. In the future, Thai will gain from the situation. We, Khmer, need to be constantly mindful of the trick. Ho Chi MIhn has once used this trick with us!

Anonymous says:
Nov 11, 2009 01:21 PM

It is peculiar that Cambodian refuses to extradite Mr. Thaksin,Thai accuses Cambodian violate the agreement.How about Thai invade Cambodian border and want to take by force Cambodian temples,don't they violate international law????

Anonymous says:
Nov 11, 2009 01:19 PM

ថាក់ស៊ីនមិនស្រឡាញ់ប្រទេសថៃ ថាក់ស៊ីនជាជាអ្នកមិនល្អ

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល