អតីត​មេ​ខ្មែរ​ក្រហម​នៅ​ភ្នំ​វល្លិ​៖ ការ​ដាក់​ទោស​ឌុច​គឺ​ច្រើន​ហួស​ប្រមាណ

អតីត​មេ​ដឹកនាំ​ខ្មែរ​ក្រហម​ម្នាក់​នៅ​តំបន់​ភ្នំ​វល្លិ បាន​ថ្លែង​ថា ការ​ដាក់​ទោស​មេ​គុក​ទួលស្លែង កាំង ហ្កេកអ៊ាវ ហៅ ឌុច ឲ្យ​ជាប់​គុក​ចំនួន ៣៥​ឆ្នាំ ហើយ​ដែល​បាន​បន្ធូរ​បន្ថយ​ទោស​នៅ​សល់​ប្រហែល​១៩​ឆ្នាំ ដោយ​តុលាការ​ខ្មែរ​ក្រហម​នៅ​ព្រឹក​ថ្ងៃ​២៦ កក្កដា គឺ​ជា​ការ​ដាក់​ទោស​ច្រើន​ហួស​ប្រមាណ​ទៅ​លើ​មេ​គុក​រូប​នោះ។
ដោយ គឹម ពៅ
2010-07-26
Share

លោក ជុំ នួង ដែល​ជា​អតីត​មេ​ខ្មែរ​ក្រហម​តំបន់​ភ្នំ​វល្លិ បាន​ថ្លែង​អំពី​ការ​សម្រេច​សេចក្ដី ដែល​ផ្សាយ​បន្ត​ផ្ទាល់​តាម​រយៈ​ទូរទស្សន៍ ជាមួយ​នឹង​បណ្តា​អតីត​ខ្មែរ​ក្រហម​ដទៃ​ទៀត ដូច្នេះ ៖ «...​ច្រើន​ណាស់ តាម​មើល​ទៅ​គ្នា​រក​តែ​ពេល​មក​ជួប​កូន ប្រពន្ធ មិន​បាន​កន្លះ​ឆ្នាំ កន្លះ​ពេល​ទេ ពីព្រោះ​ថា អាយុ​គាត់​វា​ច្រើន​ណាស់​ទៅ​ហើយ គឺ​ថា វា​ស្លាប់​មុន​ចេញ​ពី​គុក...»

លោក​បញ្ជាក់​ថា លោក​បាន​ស្ម័គ្រ​ធ្វើ​ជា​ទាហាន​ខ្មែរ​ក្រហម ក្រោយ​ការ​ប្រកាស​ឲ្យ​ចូល​ព្រៃ មាគី របស់​អតីត​ព្រះ​មហា​ក្សត្រ ព្រះបាទ នរោត្តម សីហនុ ក្នុង​ការ​តស៊ូ​ដើម្បី​ជាតិ។ លោក​បញ្ជាក់​ថា ខ្មែរ​បាន​រងគ្រោះ​សម្លាប់​គ្នា​ឯង ដោយសារ​ឥទ្ធិពល​បរទេស។

លោក​ក៏​មាន​បង​ប្អូន​សរុប ១៣​នាក់​ស្លាប់​ក្នុង​សម័យ​ខ្មែរ​ក្រហម​នោះ​ដែរ។ ថ្វី​បើ​លោក​បាន​សាទរ​ចំពោះ​ដាក់​ទោស​នោះ ដើម្បី​ជា​មេរៀន​ទៅ​ដល់​មនុស្ស​ជំនាន់​ក្រោយ ប៉ុន្តែ​លោក​បាន​សំណូមពរ​កុំ​ឲ្យ​ខ្មែរ​មាន​កំហឹង និង​ចង​អាឃាត​គ្នា ៖ «...ថា កំហឹង​គ្នា​ឯង កំហឹង​ទល់​កំហល់ យូរ​ទៅ ក្រែងលោ​មាន​បញ្ហា​អាថ៌កំបាំង វា​យ៉ាង​នេះ យ៉ាង​នោះ វា​ពិបាក​យល់​ដែរ​ណា៎!»

ប្រជាជន​នៅ​តំបន់​ភ្នំ​វល្លិ​ក្នុង​ខេត្ត​កំពត ភាគ​ច្រើន​សុទ្ធ​សឹង​តែ​ជា​អតីត​ខ្មែរ​ក្រហម។ អតីត​ខ្មែរ​ក្រហម​នៅ​តំបន់​នោះ​បាន​ផ្ដាច់​ខ្លួន​ចូល​ជាមួយ​រដ្ឋ​កម្ពុជា នៅ​ឆ្នាំ​១៩៩៦៕

ព័ត៌មាន (1)

មើល​មតិ​ទាំង​អស់.

Anonymous says:
Jul 26, 2010 03:38 AM

That is very good comment from the former Khmer Rouge.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល