ពលរដ្ឋខ្មែរមិនតិចជាង ២លាន៦សែនគ្រួសារ បច្ចុប្បន្នកំពុងជាប់ជំពាក់បំណុលស្ថាប័ន មីក្រូហិរញ្ញវត្ថុនៅកម្ពុជា ដែលមានទំហំទឹកប្រាក់ស្មើនឹងជាង ១ម៉ឺនលានដុល្លារ។ ជាមធ្យម ក្នុងមួយគ្រួសារៗ ពួកគេអាចជំពាក់លុយដល់ទៅប្រមាណ ៤ពាន់ដុល្លារ។ ជំងឺកូវីដ-១៩ កំពុងរុញច្រានពលរដ្ឋទាំងនេះ ឲ្យធ្លាក់ចូលក្នុងគ្រោះថ្នាក់នៃអន្ទាក់បំណុលវ័ន្តកកាន់តែខ្លាំង ដោយពួកគេត្រូវប្រឈមនឹងការរឹបអូសយកផ្ទះសម្បែង ដីធ្លី ឬទ្រព្យសម្បត្តិ ព្រោះតែគ្មានលទ្ធភាពសងបំណុល។ ខុសប្លែកពីបណ្ដាប្រទេសដទៃ របបលោក ហ៊ុន សែន ពុំបានចេញបទប្បញ្ញត្តិជាក់លាក់ តម្រូវឲ្យស្ថាប័នមីក្រូហិរញ្ញវត្ថុផ្អាកការទារបំណុល ជាបណ្ដោះអាសន្នក្នុងរយៈពេលនេះឡើយ។ ផ្ទុយទៅវិញ របបនេះកំពុងបង្កើនយុទ្ធនាការចាប់ខ្លួនសកម្មជនគណបក្សប្រឆាំង នៅតាមមូលដ្ឋាន ដោយចោទពួកគេថា កំពុងធ្វើ «វិទ្ធង្សនាសេដ្ឋកិច្ច» ស្មើនឹងការធ្វើ«ភេរវកម្ម» ព្រោះបានប្រាប់ពលរដ្ឋឲ្យឈប់សងបំណុលមីក្រូហិរញ្ញវត្ថុ៕
