#រូបត្លុកនយោបាយ​៖ ត្រកូល ​«ហ៊ុន» និង​ការ​ក្តោប​ក្តាប់​អំណាច​កំពូល​ៗ​របស់​ជាតិ

ដោយ វិទ្យុអាស៊ីសេរី
2024.02.20
#រូបត្លុកនយោបាយ​៖ ត្រកូល ​«ហ៊ុន» និង​ការ​ក្តោប​ក្តាប់​អំណាច​កំពូល​ៗ​របស់​ជាតិ ត្រកូល ​«ហ៊ុន» និង​ការ​ក្តោប​ក្តាប់​អំណាច​កំពូល​ៗ​របស់​ជាតិ
រូប៖ RFA

នៅ​មិនដល់​កន្លះ​ឆ្នាំ​ផង​ក្រោយ​នាយករដ្ឋមន្ត្រី​កូន លោក ហ៊ុន ម៉ាណែត ​ឡើង​កាន់​អំណាច​បន្ត​ពី​នាយករដ្ឋមន្ត្រី​ឪ ស្ថាប័ន​កំពូលៗ​របស់​ជាតិ​​កំពុង​ត្រូវ​បាន​ប្រែក្លាយ​ និង​ក្តោប​ក្តាប់​ស្ទើរតែ​ទាំងស្រុង​ដោយ​ត្រកូល ​«ហ៊ុន»។ ប្រព័ន្ធ​គ្រួសារ-បក្ខពួក​និយម​កំពុង​ចាក់ស្រេះ​កាន់តែ​ខ្លាំង​ឡើង​ហួស​ឆ្ងាយ​ជាង​កាល​ពី​សម័យ​នាយករដ្ឋមន្ត្រី​ឪ។

ជាក់ស្តែង នៅ​មុន​ការបោះឆ្នោត​ជ្រើសតាំង​សមាជិក​ព្រឹទ្ធសភា លោក ហ៊ុន ម៉ាណែត បាន​សម្រេច​តែងតាំង​ប្អូនប្រុស​ពៅ​បង្កើត​ខ្លួនឯង គឺ​លោក ហ៊ុន ម៉ានី ឱ្យ​ធ្វើជា​ឧបនាយករដ្ឋមន្ត្រី ក្នុង​ពេល​ដែល​ឪពុក​របស់​លោក​ត្រៀម​ទៅ​ក្រសោប​យក​តំណែង​ប្រធាន​ព្រឹទ្ធសភា និង​ប្រមុខ​រដ្ឋ​ស្តីទី​ជំនួស​លោក សាយ ឈុំ។ ទន្ទឹម​នឹង​នេះ បង​ជីដូនមួយ​ថ្លៃ​របស់​លោក ហ៊ុន ម៉ាណែត គឺ​លោក នេត សាវឿន កំពុង​មាន​តួនាទី​ជា​ឧបនាយករដ្ឋមន្ត្រី​ទី១។ ការណ៍​នេះ អនុញ្ញាត​ឱ្យ​ត្រកូល​«ហ៊ុន»​ គ្រប់គ្រង​ស្ថាប័ន​នីតិប្រតិបត្តិ​ផង ស្ថាប័ន​នីតិប្បញ្ញត្តិ​ផង និង​ស្ថាប័ន​ព្រះមហាក្សត្រ​ផង​ក្នុង​ពេល​តែ​មួយ ខណៈ​ប្អូន​ប្រុស​បង្កើត​របស់​លោក​ ហ៊ុន ម៉ាណែត ម្នាក់ទៀត គឺ​លោក ហ៊ុន ម៉ានិត ត្រូវ​គេ​ជឿ​ថា មិន​យូរ​មិន​ឆាប់​អាច​នឹង​ឡើង​មក​គ្រប់គ្រង​វិស័យ​យោធា​ក្លាយជា​អគ្គមេបញ្ជាការ​កងយោធពល​ខេមរភូមិន្ទ​ជំនួស​ឱ្យ​លោក វង្ស ពិសេន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។