អ្នកវិភាគ​ថា​លោក​ ហ៊ុន​ សែន​ និយាយ​មិន​ពិត​ទេ រឿង​ថា​លោក​ខំ​ព្យាយាម​ស្វែងយល់​ពី​សុខ​ទុក្ខ​ពលរដ្ឋ​គ្រប់​ទីកន្លែង​នោះ

ដោយ ថន ថារ៉ូ
2019-03-09
អ៊ីម៉ែល
មតិ
Share
បោះពុម្ព
លោក ហ៊ុន សែន ថ្លែង​ក្នុង​ពិធី "ទិវា​ជាតិ​ទីក្រុង​ស្អាត" នៅ​រាជធានី​ភ្នំពេញ ព្រឹក​ថ្ងៃ​ទី២៥ កុម្ភៈ។
លោក ហ៊ុន សែន ថ្លែង​ក្នុង​ពិធី "ទិវា​ជាតិ​ទីក្រុង​ស្អាត" នៅ​រាជធានី​ភ្នំពេញ ព្រឹក​ថ្ងៃ​ទី២៥ កុម្ភៈ។
ហ្វេសប៊ុក Samdech Hun Sen, Cambodian Prime Minister

អ្នកវិភាគ​ថា ​មេដឹកនាំ​របប​ក្រុងភ្នំពេញ​គ្មាន​ឆន្ទៈ​ស្វែងយល់​ពី​សុខទុក្ខ​ប្រជាពលរដ្ឋ​ដោយពិត​ប្រាកដ​និង​ផ្ដល់​ដំណោះស្រាយ​ជូន​ពលរដ្ឋ​ដែល​មាន​បញ្ហា​គ្រប់​ទីកន្លែង​នោះ​ទេ​។ ការ​លើកឡើង​នេះ​ បន្ទាប់​ពី​លោក​ហ៊ុន​ សែន​ ប្រកាស​ថា​ លោក​នឹង​បន្ត​ស្វែងយល់​ពី​សុខទុក្ខ​ពលរដ្ឋ​ដោយ​ផ្ទាល់​គ្រប់​ទីកន្លែង។

អ្នកវិភាគ​ និង​សង្គម​ស៊ីវិល​យល់​ថា ការ​ចុះ​ជួប​ប្រជាពលរដ្ឋ​ ជាពិសេស​កម្មករ កម្មការិនី​នៅ​តាម​រោងចក្រ​កន្លង​មក​របស់​លោក ហ៊ុន សែន គឺ​មិន​បាន​ផ្ដល់​ប្រយោជន៍​ច្រើន​ដល់​ប្រជាពលរដ្ឋ និង​សង្គម​ជាតិ​នោះ​ទេ ប៉ុន្តែ​លោក ហ៊ុន សែន បាន​ចំណាយ​ពេល​វេលា​ឥត​ប្រយោជន៍​យ៉ាង​ច្រើន ដើម្បី​និយាយ​រឿង​ដដែល ពាក់ព័ន្ធ​នឹង​អតីតកាល និង​និយាយ​វាយ​ប្រហារ​គណបក្ស សង្គ្រោះ​ជាតិ។

មន្ត្រី​គម្រោង​មជ្ឈមណ្ឌល​ប្រជាពលរដ្ឋ ដើម្បី​អភិវឌ្ឍន៍ និង​សន្តិភាព (PDP Center) លោក ហេង គឹមហុង យល់​ថា​ លោក​ ហ៊ុន​សែន​ គួរ​តែ​ចំណាយ​ពេល​ខំ​ដោះ​ស្រាយ​បញ្ហា​ប្រឈម​ធំៗ របស់​ប្រជា​ពលរដ្ឋ និង​ប្រទេស​ជាតិ ដូច​ជា ដោះ​ស្រាយ​បញ្ហា​កុំ​ឱ្យ​សហភាព​អឺរ៉ុប​ផ្ដាច់​ប្រព័ន្ធ​អនុគ្រោះ​ពន្ធEBA​និង​ដោះ​ស្រាយ​បញ្ហា​តម្លៃ​កសិផល រួម​ទាំង​ដោះ​ស្រាយ​បញ្ចប់​ជម្លោះ​ដីធ្លី​ជា​ដើម៖ «បញ្ហា​ចាស់ៗ ដែល​មិន​ទាន់​ដោះ​ស្រាយ​បាន ដូច​ជា បញ្ហា​ពុក​រលួយ​នៅ​តែ​មាន​តួលេខ​ខ្ពស់​សម្រាប់​កម្ពុជា។ កម្ពុជា ក៏​នៅ​តែ​ជា​ប្រទេស ដែល​មិន​មាន​សេរីភាព​សារព័ត៌មាន​ពិត​ប្រាកដ។ ខ្ញុំ​គិត​ថា លោក ហ៊ុន សែន គួរ​តែ​យក​ចិត្ត​ទុក​ដាក់​ក្នុង​ការ​អនុវត្ត​នីតិរដ្ឋ ឬ​ក៏​អនុវត្ត​ច្បាប់ ដែល​មាន​ស្រាប់ ប្រសើរ​ជា​ជាង​បង្កើត​យន្តការ​ផ្សេងៗ ហើយ​យន្តការ​ខ្លះ​មាន​ហើយ​មិន​ដើរ និង​យន្តការ​ខ្លះ​ទៀត បង្កើត​ឡើង​នាំ​ឲ្យ​មាន​វិវាទ​ជាមួយ​យន្តការ​ផ្សេងៗ»

ការ​លើក​ឡើង​នេះ​ បន្ទាប់​ពី​លោក​ ហ៊ុន​ សែន​ សរសេរ​សារ​នៅ​លើ​ទំព័រ​ហ្វេសប៊ុក​ថា​ ក្នុង​នាម​ជា​នាយករដ្ឋមន្ត្រី​ លោក​ត្រូវ​បន្ត​ពិនិត្យ​តាមដាន ​និង​ស្វែង​យល់​ពី​សុខ​ទុក្ខ​ប្រជាពលរដ្ឋ​នៅ​គ្រប់​ទីកន្លែង ដើម្បី​ឱ្យ​បាន​ដឹង​ពី​សុខ​ទុក្ខ​ដោយ​ផ្ទាល់​ ជាពិសេស​ដើម្បី​ធានា​បាន​ថា ពលរដ្ឋ​ទទួល​បាន​សេវា​សង្គម​ពិត​ប្រាកដ​ពី​រាជរដ្ឋាភិបាល​របស់​លោក។ អ្នក​តាម​ដាន​ស្ថានភាព​នយោបាយ​នៅ​កម្ពុជា​មិន​ជឿ​ការ​អះអាង​របស់​លោក​ ហ៊ុន​ សែន​ នោះ​ទេ។

សមាជិក​ក្រុម​អ្នក​វិភាគ​វ័យ​ក្មេង​លោក​ បុង​ ដែត​ លើក​ឡើង​ថា​ លោក​ ហ៊ុន សែន គ្មាន​ឆន្ទៈ​ស្វែង​យល់​ពី​សុខទុក្ខ និង​ស្វែង​រក​ដំណោះ​ស្រាយ​ជូន​ប្រជា​ ពលរដ្ឋ​នោះ​ទេ ប៉ុន្តែ​ផ្ទុយ​ទៅ​វិញ លោក​ ហ៊ុន​សែន​ កំពុង​ធ្វើ​យុទ្ធនាការ​កេង​ចំណេញ​នយោបាយ​ពី​ប្រជាពលរដ្ឋ​ និង​កំពុង​បន្លប់​ស្ថានការណ៍​នយោបាយ​អាក្រក់​នៅ​ក្នុង​ប្រទេស៖ «ប្រសិន​បើ​គាត់​ពិត​ជា​ស្វែង​យល់​ពី​សុខ​ទុក្ខ​ប្រជា​ពលរដ្ឋ​ពិត​ប្រាកដ​មែន គឺ​នៅ​ពេល​ដែល​ពលរដ្ឋ​មាន​បញ្ហា​ទាំង​អស់​ឡើង​មក​ភ្នំពេញ មិន​ចាំបាច់​ប្រើ​អាជ្ញាធរ​អី​ទៅ​ចាត់ការ​ពួក​គាត់​ទេ គឺ​ត្រូវ​ទទួល​ពួក​គាត់ និង​ដោះ​ស្រាយ​ជូន​ពួក​គាត់​ឲ្យ​បាន​ឆាប់។ លោក ហ៊ុន សែន គួរ​តែ​លុប​ចោល​ប្រពន្ធ​យុត្តិធម៌ ដែល​មាន​ស្តង់ដារ​ពីរ លុប​ចោល​ប្រព័ន្ធ​នយោបាយ ដែល​គាត់​បង្កើត​ឡើង​ជា​ប្រជាភិថុតិ ដូច​ជា បង្កើត​ក្រុម​គ្រូ​ពេទ្យ​ស្ម័គ្រ​ចិត្ត បង្កើត​មូលនិធិ​ស៊ីក្លូ​ណា ដែល​នៅ​ក្រោម​ស្លាក​របស់​គណបក្ស ប្រជាជន ទាំង​អស់។ មួយ​ទៀត លុប​ចោល​ទៅ​នូវ​គោល​នយោបាយ​សម្លុត​គំរាមកំហែង និង​ការ​ញុះញង់​ផ្សេងៗ លើ​គណបក្ស​ប្រឆាំង។ពួក​គណបក្ស​ប្រឆាំង​ក៏​ជា​ប្រជាពលរដ្ឋ​ដែរ»

លោក​ បុង​ ដែត​ សង្កេត​ឃើញ​ថា​ លោក​ ហ៊ុន ​សែន​ ហាក់​មិន​ខ្វល់​ពី​សុខ​ទុក្ខ​ពលរដ្ឋ​នោះ​ទេ គឺ​ខ្វល់​តែ​ពី​អំណាច​របស់​ខ្លួន​ប៉ុណ្ណោះ ព្រោះ​កន្លង​មក​ មាន​ព្រឹត្តិ​ការណ៍​សោក​សៅ​ធំៗ ជា​ច្រើន ប៉ុន្តែ​លោក​ ហ៊ុន សែន មិន​ដែល​នឹក​ដើម​ដង្ហើម​ដល់​នោះ​ទេ ដូច​ជា ករណី​ពលរដ្ឋ ១៤នាក់​ពុល​ទឹក​ស្លាប់ និង​ជាង ៣០០នាក់​ធ្លាក់​ខ្លួន​ឈឺ​នៅ​ខេត្ត​ក្រចេះ កាល​ពី​ដើម​ខែ​ឧសភា ឆ្នាំ២០១៨ និង​ករណី​អាជ្ញាធរ​បាញ់​បង្ក្រាប​លើ​ពលរដ្ឋ​រង​គ្រោះ​ដីធ្លី​ជា​ច្រើន​ករណី​ទៀត​ផង​ដែរ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

stop listen him and stay far away from him to secure your safety

Kick him out rather better keep him in power...wake up call to all khmer pple this is a good opportunity to all of u to standup to determinate this horrible man out of power...tell him there's ENOUGH AND ENOUGH...no more times to learn this or that anymore and don't try to say one thing and do other no more alligator.

Mar 10, 2019 02:52 PM

មេភរ

ពី ហូជីមិញ

មេភរប្រជាភិថុតដូចហ៊ុន សែននេះ គាត់ខ្វល់តែរឿងមានបានកេងប្រវ័ញ្ចពីខ្មែរតែប៉ុណ្ណោះ ។ អ្នកជឿហ៊ុន សែនមានតែយួនចិន និងពួកអ្នកគាំទ្រផ្កាប់មុខ បានកម្អែលពីហ៊ុន សែន

Mar 10, 2019 02:26 AM

គេហទំព័រ​ទាំងមូល