គណបក្ស​សង្គ្រោះ​ជាតិ​បណ្ដេញ​អ្នកស្រី ឡាក់ សុភាព ចេញ​ពី​បក្ស

ដោយ ម៉ម មុនីរតន៍
2014.12.30
Share on WhatsApp
Share on WhatsApp
ឡាក់ សុភាព ៦២០ អតីត​មន្ត្រី​គណបក្ស​សង្គ្រោះ​ជាតិ អ្នកស្រី ឡាក់ សុភាព ថ្លែង​ប្រាប់​អ្នក​កាសែត​នៅ​ខាង​មុខ​រដ្ឋ​សភា នៅ​ថ្ងៃ​ទី​៣០ ខែ​ធ្នូ ឆ្នាំ​២០១៤។
Screenshot from Youtube

មន្ត្រី​ជាន់​ខ្ពស់​គណៈកម្មការ​វិន័យ​របស់​គណបក្ស​សង្គ្រោះ​ជាតិ បញ្ជាក់​ថា គណៈកម្មការ​វិន័យ​គណបក្ស​បាន​បញ្ឈប់​សមាជិកភាព​អ្នកស្រី ឡាក់ សុភាព ពី​គណបក្ស​សង្គ្រោះ​ជាតិ​ហើយ កាល​ពី​ព្រឹក​ថ្ងៃ​ទី​៣០ ខែ​ធ្នូ ដោយសារ​កំហុស​ធ្ងន់ធ្ងរ។

លោក អ៊ូ ច័ន្ទឫទ្ធិ ប្រធាន​គណៈកម្មការ​វិន័យ​របស់​គណបក្ស​សង្គ្រោះ​ជាតិ ឲ្យ​ដឹង​ថា ចាប់​ពី​ពេល​នេះ​ទៅ អ្នកស្រី ឡាក់ សុភាព លែង​ជា​មន្ត្រី​នៃ​គណបក្ស​សង្គ្រោះ​ជាតិ ទៀត​ហើយ។លោក​ថ្លែង​បន្ត​ថា មូលហេតុ​ដែល​គណៈកម្មការ​​វិន័យ​សម្រេច​បញ្ឈប់​នេះ ដោយសារ​អ្នកស្រី​មិន​បាន​បង្ហាញ​ភាព​ស្មោះត្រង់​របស់​ខ្លួន បន្ទាប់​ពី​គណបក្ស​បាន​ផ្ដល់​ឱកាស​ឲ្យ​បកស្រាយ​ជា​សាធារណៈ តាម​បណ្ដាញ​សារព័ត៌មាន ដូច​អ្វី​ដែល​អ្នកស្រី​អះអាង​ថា មិន​បាន​និយាយ​មិន​ល្អ​ពី​ថ្នាក់​ដឹកនាំ និង​រឿង​អំពើ​ពុករលួយ។

លោក​ឲ្យ​ដឹង​ទៀត​ថា ប៉ុន្តែ​រហូត​ដល់​ព្រឹក​ថ្ងៃ​ទី​៣០ ខែ​ធ្នូ អ្នកស្រី នៅ​តែ​មិន​​អនុវត្ត​តាម។ ហេតុ​នេះ​គណៈកម្មការ​វិន័យ​សម្រេច​បញ្ឈប់​តួនាទី និង​បណ្ដេញ​ចេញ​ពី​គណបក្ស​តែម្ដង៖ «យើង​គ្រាន់​តែ​ផ្ដល់​ឱកាស​ជូន​គាត់​ដើម្បី​បកស្រាយ​ឆ្លើយ​តប​ចំពោះ​សារព័ត៌មាន ប៉ុន្តែ​កាល​ពី​ម្សិលមិញ (២៩ ធ្នូ) គាត់​មិន​បាន​ធ្វើ​អ្វី​តាម​ដែល​យើង​ស្នើ»

លោក អ៊ូ ច័ន្ទឫទ្ធិ ថ្លែង​ថា ចំពោះ​ការ​បាត់បង់​មនុស្ស​ដែល​មាន​ចំណេះ​ដឹង លោក​មាន​ការ​សោកស្ដាយ ប៉ុន្តែ​ចំពោះ​មនុស្ស​ដែល​មិន​បាន​ជួយ​អ្វី​សោះ​នោះ ហើយ​បង្ក​បញ្ហា​គឺ​ការ​ដក​ចេញ​មិន​ធ្វើ​ឲ្យ​ខាត​បង់​នោះ​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

រឿង​ដែល​គេ​អាន​​ច្រើន​បំផុត
RFA
ធនាគារ​ABA មិន​ព្រម​បើកប្រាក់​ជាង​១​ម៉ឺន ៥​ពាន់​ដុល្លារ ដែល​ឧបត្ថម្ភ​ដល់​បុគ្គលិក​ណាហ្គាវើលដ៍
រឿង​ដែល​គេ​អាន​​ច្រើន​បំផុត
នយោបាយ
គណបក្ស​ចំនួន​៣ ចូលរួម​ប្រកួត​ដណ្ដើម​កៅអី​ក្រុមប្រឹក្សា​ស្រុក​ក្រុង​ទើប​បំបែក​ថ្មី
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។