ព័ត៌មាន​សំខាន់ៗ​ចំនួន ១០ ដែល​លោកអ្នក​នាង​គួរ​អាន​នៅ​ថ្ងៃចន្ទនេះ

ដោយ អាស៊ីសេរី
2022.11.27
Share on WhatsApp
Share on WhatsApp
ព័ត៌មាន​សំខាន់ៗ​ចំនួន ១០ ដែល​លោកអ្នក​នាង​គួរ​អាន​នៅ​ថ្ងៃចន្ទនេះ ថ្នាក់ដឹកនាំកំពូលៗរបស់គណបក្សភ្លើងទៀន។
រូប៖ ពលរដ្ឋ​ផ្ដល់​ឲ្យ

. បក្សភ្លើងទៀន​រំឭក​ខួប​២៧​ឆ្នាំ និង​កំណត់​ទិសដៅ​ប្រកួតប្រជែង​ការ​បោះឆ្នោត​ឆ្នាំ២០២៣

គណបក្ស​ភ្លើងទៀន​រំឭកខួប​២៧​ឆ្នាំ​នៃ​ការ​បង្កើត​គណបក្ស និង​កំណត់ទិសដៅ​សកម្មភាព​ឆ្ពោះ​ទៅ​រក​ការផ្លាស់ប្តូរ​ជា​វិជ្ជមាន​តាមរយៈ​ការ​បោះឆ្នោត​ឆ្នាំ២០២៣ ដើម្បីមាន​ឱកាស​ដោះស្រាយ​បញ្ហា​សេដ្ឋកិច្ច និងសង្គម​ជូន​ប្រជាពលរដ្ឋ។ ​អ្នកវិភាគ​នយោបាយ​មើលឃើញថា សកម្មភាព​បក្សនេះ​នឹង​ក្លាយ​ជា​គូប្រជែង​នយោបាយ​ដ៏ធំជាមួយ​គណបក្ស​ប្រជាជនកម្ពុជា​សម្រាប់ការ​បោះឆ្នោត​នៅ​ឆ្នាំ​២០២៣​ខាងមុខ។ អាន​ព័ត៌មាន​ពិស្តារ...

. បណ្ឌិត យ៉ង សាំងកុមារ ចុះចូល​ជាមួយ​គណបក្ស​កាន់អំណាច​ដោយ​អះអាង​ថា ដើម្បី​ជួយ​វិស័យ​កសិកម្ម

ប្រធាន​គណៈកម្មាធិការ​នាយក​គណបក្ស​ប្រជាធិបតេយ្យ​មូលដ្ឋាន លោកបណ្ឌិត យ៉ង សាំងកុមារ និង​អ្នកនាំពាក្យ​គណបក្ស​នេះ គឺ​លោក ឡឹក សុធារ បាន​ប្រកាស​ចុះចូល​ជាមួយ​គណបក្ស​ប្រជាជន​កម្ពុជា ក្នុង​បំណង​ដើម្បី​ចូលរួម​អភិវឌ្ឍ​វិស័យ​កសិកម្ម។ អាន​ព័ត៌មាន​ពិស្តារ...

. លោក ហ៊ុន សែន រំលឹក​សមាជិក​បក្ស ឲ្យ​បំពេញ​តួនាទី​បំរើជាតិ​និង​ប្រជាពលរដ្ឋ

ក្រុមកូដករក្រុមហ៊ុន​បនល្បែង​ណាហ្គាវើលដ៍ និង​មន្ត្រី​ការពារសិទ្ធិមនុស្ស​ទាមទារ​ឱ្យ​តុលាការ​ដោះលែង​កញ្ញា ឈឹម ស៊ីថរ ឱ្យ​មាន​សេរីភាព​ឡើងវិញ​ដោយ​ឥតលក្ខខណ្ឌ។ ពួកគាត់​ចាត់​ទុកការ​ចាប់​ខ្លួនកញ្ញា ឈឹម ស៊ីថរ ជា​ថ្មី​ទៀត​នេះ​ថា ជា​ការ​សម្លុត​គំរាមកំហែង​បំបាក់​ស្មារតី​ក្រុមសហជីព និង​ជា​ការព្រមាន​ដល់​កូដករ​ដែល​នៅ​បន្ត​ធ្វើ​ការ​តវ៉ា​ដោយ​សន្តិវិធី។ អាន​ព័ត៌មាន​ពិស្តារ...

. សង្គមស៊ីវិល និង​កូដករ​ក្រុមហ៊ុន​បនល្បែងណាហ្គាវើលដ៍​ទាមទារ​ឱ្យ​តុលាការ​ដោះលែង​កញ្ញា ឈឹម ស៊ីថរ

ក្រុមកូដករក្រុមហ៊ុន​បនល្បែង​ណាហ្គាវើលដ៍ និង​មន្ត្រី​ការពារសិទ្ធិមនុស្ស​ទាមទារ​ឱ្យ​តុលាការ​ដោះលែង​កញ្ញា ឈឹម ស៊ីថរ ឱ្យ​មាន​សេរីភាព​ឡើងវិញ​ដោយ​ឥតលក្ខខណ្ឌ។ ពួកគាត់​ចាត់​ទុកការ​ចាប់​ខ្លួនកញ្ញា ឈឹម ស៊ីថរ ជា​ថ្មី​ទៀត​នេះ​ថា ជា​ការ​សម្លុត​គំរាមកំហែង​បំបាក់​ស្មារតី​ក្រុមសហជីព និង​ជា​ការព្រមាន​ដល់​កូដករ​ដែល​នៅ​បន្ត​ធ្វើ​ការ​តវ៉ា​ដោយ​សន្តិវិធី។ អាន​ព័ត៌មាន​ពិស្តារ...

. ក្រុម​អង្គការ​សង្គម​ស៊ីវិល​រួម​គ្នា​ធ្វើ​យុទ្ធនាការ​១៦ថ្ងៃ​ក្រោម​ប្រធាន​បទ គាំពារ​ស្ត្រី និង​ក្មេង​ស្រី ដើម្បី​សង្គម​គ្មាន​អំពើ​ហិង្សា

ក្រុម​អង្គការ​សង្គម​ស៊ីវិល​ចំនួន​១៧​ស្ថាប័ន បាន​រួមគ្នា​ធ្វើ​យុទ្ធនា​ការ​១៦ថ្ងៃ ដើម្បី​លើក​កម្ពស់​សិទ្ធិ​ស្ត្រី និង​ក្មេង​ស្រី នៅ​ក្នុង​គោល​បំណង​លុប​បំបាត់​អំពើ​ហិង្សា​នៅ​ក្នុង​សង្គម។ មន្ត្រី​អង្គការ​សង្គម​ស៊ីវិល ស្នើ​សុំ​ឱ្យ​រដ្ឋាភិបាល​ឱ្យ​លើក​កម្ពស់​សិទ្ធិ​ស្ត្រី​តាម​រយៈ​ការ​បញ្ឈប់​វប្បធម៌​និទ្ទណ្ឌភាព និង​ពង្រឹង​ការ​អនុវត្ត​ច្បាប់​ឱ្យ​មាន​ប្រសិទ្ធិ​ភាព នៅ​ពេល​ដែល​មាន​ករណី​រំលោភ​បំពាន​ទៅ​លើ​ស្ត្រី។ អាន​ព័ត៌មាន​ពិស្តារ...

. ប្រជា​សហគមន៍​អារ៉ែង ដាក់​ញត្តិ​ស្នើ​ឲ្យ​ក្រសួង​បរិស្ថាន​បង្ហាញ​ព្រំ​ប្រទល់​ដី​ព្រៃ​ត្រូវ​អភិរក្ស

ប្រជា​សហគមន៍​ក្នុង​តំបន់​អារ៉ែង ជា​មួយ​ក្រុម​យុវជន​ករុណា​អារ៉ែង និង​ក្រុម​យុវជន​ខ្មែរ​ថាវរៈ បាន​រួមគ្នា​ដាក់​ញត្តិ​ស្នើ​សុំ​ឱ្យ​មន្ទីរ​បរិស្ថាន បង្ហាញ​ព្រំ​ប្រទល់​ដី​ដែល​ត្រូវ​កាត់​ឆ្វៀល​ដើម្បី​អភិរក្ស។ មន្ត្រី​អង្គការ​សង្គម​ស៊ីវិល​យល់ថា ដើម្បី​រក្សា​ព្រៃ​សហគមន៍​ឱ្យ​បាន​គង់​វង្ស អាជ្ញាធរ​ចាំ​បាច់​ត្រូវ​តែ​បង្ហាញ​ព្រំ​ប្រទល់​ដី​ព្រៃ​សហគមន៍​ឱ្យ​បាន​ច្បាស់​លាស់។ អាន​ព័ត៌មាន​ពិស្តារ...

. ក្រុម​អ្នក​ស្រលាញ់ និង​អភិរក្ស​ចាប៉ី​ដង​វែង​ប្រារព្ធ​ពិធី​អបអរសាទរ​ខួប៦ឆ្នាំ បាន​ចុះ​បញ្ជី​បេតិកភណ្ឌ​វប្បធម៌​អរូបី​ នៃ​មនុស្ស​ជាតិ

ក្រុម​អ្នក​អភិរក្ស​សិល្បៈ​ចាប៉ី​ដង​វែង​បាន​ជួប​ប្រជុំ​គ្នា​ ដើម្បី​ប្រារព្ធ​ពិធី​រំលឹក​ខួប​៦​ឆ្នាំ​ នៃ​ការ​ចុះ​បញ្ជី​បេតិកភណ្ឌ​អរូបី​ នៃ​មនុស្ស​ជាតិ​ នៅ​ខេត្ត​កំពត នៅថ្ងៃទី២៧ ខែវិច្ឆិកា។ ការ​ប្រារព្ធ​ខួប​ចាប៉ី​នេះ​ឡើង ដើម្បី​បណ្ដុះ​ស្មារតី​ដល់​យុវជន​ជំនាន់​ក្រោយ​ ​ឱ្យ​ចូលរួម​ថែរក្សា​ និង​អភិរក្ស​មរតក​វប្បធម៌​ជាតិ​ ខណៈ​ដែល​សិល្បៈ​តន្ត្រី​បុរាណ​មួយ​នេះ​សព្វថ្ងៃ ​​មិនសូវ​មាន​យុវជន​ចាប់​អារម្មណ៍​សិក្សា​។ មន្ត្រី​សង្គម​ស៊ីវិល​យល់ថា​រដ្ឋាភិបាល ​គួរ​ពិនិត្យ​ និង​បង្កើន​ថវិកា​ដល់​ក្រសួង​ពាក់ព័ន្ធ​ គាំទ្រ​សិល្បៈ​តន្ត្រី​បុរាណ​ ពិសេស​ចាប៉ី​ដង​វែង​ និង​លើក​ទឹក​ចិត្ត​ដល់​ចាស់​ព្រឹទ្ធាចារ្យ​ផ្សេង​ៗ​ដែល​មាន​ស្នាដៃ​កន្លងមក​។ អាន​ព័ត៌មាន​ពិស្តារ...

. សកម្មជន​គណបក្ស​ភ្លើង​ទៀន​ស្វែងរក​កម្លាំង​គាំទ្រ​ពី​ពលករ​នៅ​ប្រទេស​ថៃ

សកម្មជន​គណបក្ស​ភ្លើង​ទៀន​ទៅ​ស្វែងរក​កម្លាំង​គាំទ្រ​ពី​ពលករ​ខ្មែរ​ដែល​កំពុង​រស់នៅ​និង​ធ្វើការ​ក្នុង​ប្រទេស​ថៃ ស្រប​ពេល​ដែល​ការ​បោះឆ្នោត​ជ្រើសរើស​តំណាង​រាស្ត្រ​ឆ្នាំ២០២៣ ជិត​មក​ដល់។ សកម្មជន​គណបក្ស​ភ្លើង​ទៀន បាន​ផ្សព្វផ្សាយ​ពី​គោល​នយោបាយ​របស់​បក្ស និង​លើក​ទឹកចិត្ត​ឲ្យ​ពលករ​ខ្មែរ​ទៅ​ចូល​រួម​បោះឆ្នោត​នៅ​ពេល​ខាង​មុខ ក្នុង​ការ​ស្វែងរក​ការ​គាំទ្រ​នេះ។ អាន​ព័ត៌មាន​ពិស្តារ...

. គ្រួសារ​ក្រីក្រ​នៅ​ខេត្តប៉ៃលិន ស្នើសុំអាជ្ញាធរ​ផ្ដល់​ប័ណ្ណ​ក្រីក្រ​មិន​បាន

គ្រួសារ​ក្រីក្រ​នៅខេត្ត​ប៉ៃលិន ស្នើអាជ្ញាធរ​មូលដ្ឋាន ផ្ដល់​ប័​​ណ្ណក្រីក្រ ដើម្បី​អាច​បើកប្រាក់​ឧបត្ថម្ភ​ពី​រដ្ឋាភិបាល​ដោះស្រាយ​ជីវភាព​គ្រួសារ​កំពុង​ខ្វះខាត។ មន្ត្រីសង្គមស៊ីវិល​យល់ថា រដ្ឋាភិបាល និង​ស្ថាប័ន​ពាក់ព័ន្ធ​គួរ​ពិនិត្យ និង​សម្របសម្រួល​នីតិ​វិធីផ្ដល់​ប័ណ្ណ​សមធម៌​ ដើម្បី​ជួយ​ដល់​ពលរដ្ឋ​អោយ​ទាន់​ពេល​វេលា។ អាន​ព័ត៌មាន​ពិស្តារ...

១០. ពលរដ្ឋ​នៅខេត្តកំពត​ចោទអាជ្ញាធរ​មូលដ្ឋាន​ថា យក​ប្រាក់​ពី​ពលរដ្ឋ​ពេល​ធ្វើលិខិត​លក់ដី​ដោយ​ខុស​ច្បាប់

ពលរដ្ឋម្នាក់​រស់នៅ​ខេត្តកំពត ចោទ​អាជ្ញាធរ​មូលដ្ឋាន ថា​យកប្រាក់​ពី​ពលរដ្ឋ ពេល​ដែល​ទៅ​ធ្វើ​លិខិត​លក់ដីមន្ត្រី​សង្គម​ស៊ីវិលថា អាជ្ញាធរ ដែល​ទាមទារ​ឲ្យ​ពលរដ្ឋ​បង់ប្រាក់​ រួច​ទើប​ព្រម​ធ្វើលិ​ខិតដោះដូរដី​ឲ្យនេះ ជា​ទង្វើ​ដែល​ផ្ទុយ​នឹងច្​បាប់បា​នកំណត់។ អាន​ព័ត៌មាន​ពិស្តារ...

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

រឿង​ដែល​គេ​អាន​​ច្រើន​បំផុត
នយោបាយ
គណបក្ស​ភ្លើង​ទៀន​ចាប់​ផ្ដើម​យុទ្ធនាការ​ពង្រឹង​​សមាជិក​បក្ស​តាម​មូលដ្ឋាន ដើម្បី​ទទួល​បាន​​ការ​​គាំទ្រ​​ពី​​ប្រជាពលរដ្ឋ
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។