ព័ត៌មាន​សំខាន់ៗ​ចំនួន ៨ ដែល​លោក​អ្នកនាង​គួរ​អាន​នៅ​ថ្ងៃ​សៅរ៍នេះ

2022.10.29
Share on WhatsApp
Share on WhatsApp
ព័ត៌មាន​សំខាន់ៗ​ចំនួន ៨ ដែល​លោក​អ្នកនាង​គួរ​អាន​នៅ​ថ្ងៃ​សៅរ៍នេះ ព័ត៌មាន​សំខាន់ៗ​ចំនួន ៨ ដែល​លោក​អ្នកនាង​គួរ​អាន​នៅ​ថ្ងៃ​សៅរ៍នេះ។
RFA

តុលាការ​កំពូល​សម្រេច​ប្រគល់​លិខិតឆ្លងដែន​ឱ្យ​អតីត​អ្នក​យក​ព័ត៌មាន​អាស៊ីសេរី​តាម​ការ​ស្នើសុំ

តុលាការ​កំពូល​សម្រេច​ប្រគល់​លិខិតឆ្លងដែន​ឲ្យ​អតីត​អ្នក​យក​ព័ត៌មាន​អាស៊ីសេរី គឺ​លោក យាង សុធារិន្ទ និង​អនុញ្ញាត​ឲ្យ​លោក​អាច​ធ្វើ​ដំណើរ​ទៅ​ក្រៅ​ប្រទេស​ដោយ​សេរី តាម​ការ​ស្នើសុំ​របស់​លោក។ លោក យាង សុធារិន្ទ ត្រេកអរ​ដែល​ទទួល​បាន​លិខិតឆ្លងដែន​ឡើងវិញ សម្រាប់​ធ្វើដំណើរ​ទៅ​សួរសុខទុក្ខ​ឪពុកម្ដាយ និង​សាច់​ញាតិ ជាពិសេស​បងស្រី​ដែល​កំពុង​ឈឺ​ធ្ងន់​ដំណាក់កាល​ចុងក្រោយ​នៅ​ឯ​ស្រុកកំណើត​របស់​លោក នៅ​កម្ពុជា​ក្រោម។

អាន​ព័ត៌មាន​ពិស្ដារ...

សង្គម​ស៊ីវិល​ថា អ្នកសារព័ត៌មាន​ដែល​ហ៊ាន​រិះគន់​ពី​ភាព​អសកម្ម​របស់​រដ្ឋាភិបាល​រងការ​រឹតត្បិត

អង្គការ​សង្គម​ស៊ីវិល​មួយ​ចំនួន​បារម្ភ​ពី​សេរីភាព​សារព័ត៌​មាននៅ​កម្ពុជា​ដែល​បន្ត​រង​ការ​រឹតត្បិត​ពី​សំណាក​អាជ្ញាធរ។ ប៉ុន្តែ​តំណែង​ក្រសួង​ព័ត៌មាន​ថា ការ​រឹតត្បិត​របស់​អាជ្ញាធរ​កើតមាន​ចំពោះតែ​អ្នក​សារព័ត៌មាន​ណា​ដែល​មិន​គោរព​ច្បាប់។

អាន​ព័ត៌មាន​ពិស្ដារ...

"វប្បធម៌​ជជែក​គ្នា​រវាង​បក្ស​កាន់​អំណាច និង​បក្ស​ភ្លើងទៀន​ចាប់ផ្ដើម​កើត​មាន​ហើយ"

មន្ត្រីជាន់ខ្ពស់​គណបក្ស​ភ្លើងទៀន​លើក​ឡើង​ថា សារ​ឆ្លើយឆ្លង​គ្នា​រវាង​លោក​នាយក​រដ្ឋមន្ត្រី ហ៊ុន សែន និង​គណបក្ស​ភ្លើងទៀន ជា​ការ​បង្ហាញ​ថា វប្បធម៌​ជជែក​នៃ​បក្ស​កាន់អំណាច និង​គណបក្ស​ភ្លើងទៀន ចាប់ផ្ដើម​កើត​មាន​ហើយ​។ ការ​លើកឡើង​ដូច្នេះ ខណៈ​គណបក្ស​ភ្លើងទៀន ប្រកាស​ថ្កោលទោស​ជន​ណា​ដែល​ប្រមាថ​ព្រះមហាក្សត្រ និង​អះអាង​ថា ខ្លួន​គ្មាន​ទំនាក់ទំនង​ជាមួយ​លោក សម រង្ស៊ី ហើយ​ត្រូវ​បាន​លោកនាយក​រដ្ឋមន្ត្រី ហ៊ុន សែន ប្រកាស​ស្វាគមន៍។

អាន​ព័ត៌មាន​ពិស្ដារ...

រដ្ឋមន្ត្រី​ព័ត៌មាន​ថា សេចក្ដីព្រាងច្បាប់​ស្ដីពី​សិទ្ធិ​ទទួល​បាន​ព័ត៌មាន​បាន​បញ្ជូន​ដល់​ទីស្ដីការ​គណៈរដ្ឋមន្ត្រី​យូរ​ហើយ

រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ ថ្លែងប្រាប់​អ្នកសារព័ត៌មាន​កាលពី​ថ្ងៃទី​២៧ តុលា​ថា សេចក្ដីព្រាងច្បាប់​ស្ដីពី​សិទ្ធិ​ទទួល​បាន​ព័ត៌មាន បាន​បញ្ជូន​ទៅ​ដល់ទី​ស្ដី​គណៈរដ្ឋមន្ត្រី​ហើយ និង​រង់ចាំ​តែ​ស្ថាប័ន​នេះ បើក​កិច្ចប្រជុំ​សម្រេច​មុន​នឹង​បញ្ជូន​ទៅ​សភា។

អាន​ព័ត៌មាន​ពិស្ដារ...

កម្មជន​បរិស្ថាន​ថា កម្ពុជា ជា​អ្នក​ខាត​ក្នុង​ការ​លក់​ខ្សាច់​ទៅ​ប្រទេស​វៀតណាម

សកម្មជន​បរិស្ថាន បារម្ភ​ថា ការ​បូម​ខ្សាច់​នឹង​ធ្វើ​ឱ្យ​មាន​ការ​បាក់​ច្រាំង និង​បាត់​បង់​ជីវចម្រុះ​ក្នុង​ទឹក​ទន្លេ។ មន្ត្រី​អង្គការ​សង្គម​ស៊ីវិល​យល់​ឃើញ​ថា ដើម្បី​ឱ្យ​ប្រទេស​កម្ពុជា ទទួល​បាន​ផល​ប្រយោជន៍​ពី​ការ​ទាញ​យក​រ៉ែ​ខ្សាច់ លុះ​ត្រា​តែ​រដ្ឋាភិបាល​លុប​បំបាត់​អំពើ​ពុក​រលួយ​ក្នុង​វិស័យ​ធន​ធាន​រ៉ែ​ជា​មុន​សិន។

អាន​ព័ត៌មាន​ពិស្ដារ...

ក្រសួង​សុខាភិបាល​គ្រោង​ដាក់​ឲ្យ​ដំណើរការ​ប្រព័ន្ធ​ទិន្នន័យ​ឌីជីថល តាម​ដាន​របស់​សុខភាព​ទារក តាម​ប្រព័ន្ធ

ក្រសួងសុខាភិបាល​គ្រោង​ដាក់​ឲ្យ​ដំណើរការ​ប្រព័ន្ធ​ទិន្នន័យ​ឌីជីថល សំរាប់​តាមដាន​សុខភាព​របស់​ទារក ដើម្បី​កាត់​បន្ថយ​អត្រា​ស្លាប់ នៅ​ប្រទេស​កម្ពុជា។ ការ​ប្រកាស​របស់​រដ្ឋមន្ត្រី​ក្រសួង​សុខាភិបាល លោក ម៉ម ប៊ុនហេង ធ្វើ​ឡើង ក្នុង​ឱកាស​បើក​សន្និសីទ​អន្តរជាតិ ស្តីពី​ការ​វិនិយោគ​លើ​ការ​បណ្តុះបណ្តាល​ឆ្មប កាល​ពី​ថ្ងៃទី​២៧ ខែតុលា។

អាន​ព័ត៌មាន​ពិស្ដារ...

តុលាការ​កំពូល​សម្រេច​ឱ្យ​លោក អៀ ចាន់ណា សកម្មជន​បក្ស​ភ្លើង​ទៀន នៅ​ក្នុង​ដដែល​ឃុំ​ដដែល

តុលាការ​កំពូល​សម្រេច​មិន​អនុញ្ញាត​ឱ្យ​សកម្មជន​បក្ស​ភ្លើង​ទៀន លោក អៀ ចាន់ណា នៅ​ក្រៅ​ឃុំ​ បណ្ដោះអាសន្ន តាម​ការ​ស្នើសុំ​ទេ។ ការ​សម្រេច​នេះ​ក្នុង​ពេល​តុលាការ​បើក​សវនាការ​បណ្ដឹង​សុំ​នៅ​ក្រៅ​ឃុំ​របស់ លោក អៀ ចាន់ណា នៅ​ថ្ងៃ​ទី២៨ ខែតុលា។

អាន​ព័ត៌មាន​ពិស្ដារ...

សមត្ថកិច្ច​កំពុង​សាកសួរ​ជនសង្ស័យ​ចំនួន​៣​នាក់ ករណី​ជួញ​ថ្នាំញៀន ១៦០​គីឡូ

សមត្ថកិច្ច​ជំនាញ​នៃ​មន្ទីរ​ប្រឆាំង​គ្រឿងញៀន កំពុង​សាកសួរ​ជនសង្ស័យ​បរទេស ៣ នាក់ ករណី​ជួញដូរ​គ្រឿងញៀន​ប្រភេទ​មេតំហ្វេតាមីន (ICE) ទម្ងន់​ប្រមាណ​១៦០​គីឡូក្រាម នៅ​ខណ្ឌ​ដូនពេញ រាជធានី​ភ្នំពេញ និង​កំពុង​កសាង​សំណុំរឿង បញ្ជូន​ទៅ​សាលាដំបូង​រាជធានី​ភ្នំពេញ ដើម្បី​បន្ត​តាម​នីតិវិធី​តាម​ច្បាប់។

អាន​ព័ត៌មាន​ពិស្ដារ...

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។