លេខទូរស័ព្ទ Hotline ២៤ម៉ោង លើ ២៤ម៉ោង ដែលតំណាងទូតខ្មែរប្រចាំនៅប្រទេសកូរ៉េខាងត្បូង អះអាងថា មានមន្ត្រីឆ្លើយតប ២៤ម៉ោង លើ ២៤ម៉ោងនោះ តាមពិតគ្មានអ្នកទទួលសោះ ពេលអាស៊ីសេរីទូរស័ព្ទចូល កាលពីថ្ងៃទី៦ មីនា។
លេខទូរស័ព្ទ Hotline 010-4888-7848 ដែលឯកអគ្គរាជទូតខ្មែរប្រចាំនៅប្រទេសកូរ៉េខាងត្បូងលោក ឡុង ឌីម៉ង់ ដែលអះអាងថា ក្រុមការងារពិសេស និងចំពោះកិច្ចរបស់ស្ថានទូតកម្ពុជាប្រចាំនៅកូរ៉េខាងត្បូង បង្កើតឡើងដើម្បីទទួលរាល់សំណួរ សំណូមពរ ក្តីកង្វល់របស់ពលករខ្មែរនៅប្រទេសកូរ៉េ ជុំវិញបញ្ហាមេរោគកូរ៉ូណាថ្មី ឬជំងឺកូវីដ-១៩ នេះ គឺតេចូល តែគ្មានអ្នកទទួលទេ។
ពលករខ្មែរនៅប្រទេសកូរ៉េខាងត្បូង ជាច្រើនធ្លាប់រអ៊ូរទាំ និងរិះគន់មន្ត្រីទូតខ្មែរនៅប្រទេសកូរ៉េខាងត្បូង ថាស្ពឹកស្រពន់ និងមិនសូវយកចិត្តទុកដាក់ ដល់សុខទុក្ខរបស់ពលករខ្មែរនៅទីនោះទេ ព្រោះទូរស័ព្ទ ជួនកាលទូរស័ព្ទចូលមួយថ្ងៃរាល់ល្ងាច ក៏គ្មានអ្នកលើកដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។