គណៈកម្មាធិការព្រំដែនទូទៅកម្ពុជា-ថៃនឹងបើកកិច្ចប្រជុំរយៈពេល៤ថ្ងៃនៅទីក្រុងបាងកក
2016.03.20
កិច្ចប្រជុំគណៈកម្មាធិការព្រំដែនទូទៅកម្ពុជា-ថៃ លើកទី១០ រវាងឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិថៃ លោក ប្រាវីត វង្សសុវណ្ណ (Prawit Wongsuwan) (ឆ្វេង) និងរដ្ឋមន្ត្រីក្រសួងការពារជាតិកម្ពុជា លោក ទៀ បាញ់ នារាជធានីភ្នំពេញនៅព្រឹកថ្ងៃទី២៤ ខែធ្នូ ឆ្នាំ២០១៤។
គណៈកម្មាធិការព្រំដែនទូទៅកម្ពុជា-ថៃ ហៅកាត់ជាភាសាអង់គ្លេសថា ជី.ប៊ី.ស៊ី (GBC) គ្រោងនឹងបើកសម័យប្រជុំលើកទី១១ របស់ខ្លួនរយៈពេល ៤ថ្ងៃ ចាប់ពីថ្ងៃទី២១ ដល់ថ្ងៃទី២៤ ខែមីនា នៅទីក្រុងបាងកក ប្រទេសថៃ។
សេចក្ដីប្រកាសព័ត៌មានរបស់អគ្គនាយកដ្ឋានយោធសេវានៃក្រសួងការពារជាតិ ដែលបានចេញផ្សាយនៅថ្ងៃទី១៩ មីនា បានឲ្យដឹងថា គណៈប្រតិភូកម្ពុជា ដែលដឹកនាំដោយ លោក ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងគណៈប្រតិភូថៃ ដឹកនាំដោយ លោក ប្រាវិត វង្សសាវ៉ាន់ (Bravith Vongsavann) ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិថៃ នឹងចូលរួមក្នុងកិច្ចប្រជុំនោះ។
សេចក្ដីប្រកាសព័ត៌មានដដែលឲ្យដឹងថា កិច្ចប្រជុំនោះផ្ដោតលើគោលការណ៍សំខាន់ ៣ចំណុច គឺការងារសន្តិសុខ ទំនាក់ទំនង និងកិច្ចសហប្រតិបត្តិការ ព្រមទាំងការកសាង និងអភិវឌ្ឍន៍នៅតាមបណ្ដោយព្រំដែនប្រទេសជិតខាងទាំងពីរ។
កិច្ចប្រជុំចាប់ពីថ្ងៃទី២១ ដល់ថ្ងៃទី២២ ប្រជុំថ្នាក់ក្រុមការងារ និងចាប់ពីថ្ងៃទី២៣ ដល់ថ្ងៃទី២៤ ប្រជុំពេញអង្គ។ គណៈកម្មាធិការព្រំដែនទូទៅកម្ពុជា-ថៃ រៀបចំកិច្ចប្រជុំប្ដូរវេនរបស់ខ្លួនមួយឆ្នាំម្ដង។ កិច្ចប្រជុំលើកនេះ ប្រទេសថៃ ទទួលធ្វើជាម្ចាស់ផ្ទះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រឿងដែលគេអានច្រើនបំផុត
RFA
- ធនាគារABA មិនព្រមបើកប្រាក់ជាង១ម៉ឺន ៥ពាន់ដុល្លារ ដែលឧបត្ថម្ភដល់បុគ្គលិកណាហ្គាវើលដ៍
- គណបក្សភ្លើងទៀនស្វាគមន៍វត្តមានលោក រ៉ុង ឈុន អតីតមន្ត្រីជាន់ខ្ពស់ គ.ជ.ប ដែលហក់មកចូលរួមជីវភាពជាមួយគណបក្សនេះ
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
- «ករណីឧកញ៉ា សៀង ចាន់ហេង ប្រគល់ដីឲ្យប្អូនស្រីនាយករដ្ឋមន្ត្រីបង្ហាញថា អ្នកធំតែងឈ្នះ»
- អាមេរិក ផ្តល់ពានរង្វាន់អ្នកការពារសិទ្ធិមនុស្សសកលប្រចាំឆ្នាំឲ្យកញ្ញា ឈឹម ស៊ីថរ
