សមត្ថកិច្ច​ថៃ​ឃាត់ខ្លួន​ជនសង្ស័យ​២​នាក់​​ករណី​បំផ្ទុះ​គ្រាប់បែក​៥​កន្លែង​នៅ​ទីក្រុង​បាងកក

ដោយ អាស៊ីសេរី
2019-08-02
អ៊ីម៉ែល
មតិ
Share
បោះពុម្ព

សមត្ថកិច្ច​ថៃ​ឃាត់ខ្លួន​ជនសង្ស័យ​បាន​២​នាក់ សាកសួរ​អំពី​ការ​ដាក់​បំផ្ទុះ​គ្រាប់បែក​នៅ​ទីក្រុង​បាងកក​នៅ​ព្រឹក​ថ្ងៃ​ទី​២ សីហា។ ប៉ុន្តែ​អ្នក​ទាំង​២ ថ្លែង​ថា​ពួកគេ​មិន​បាន​ដាក់​បំផ្ទុះ​គ្រាប់បែក​ដូច​ចោទប្រកាន់​នោះ​ទេ។

នាយករដ្ឋមន្ត្រី​ថៃ​លោក ប្រាយុទ្ធ ចាន់អូចា (Prayut Chan-o-cha) ធ្វើ​សន្និសីទកាសែត​នៅ​រសៀល​ថ្ងៃ​ទី​២ សីហា​ថា ជនល្មើស​បំផ្ទុះ​គ្រាប់បែក​ចំនួន ៩​ដង នៅ​៥​ទីតាំង​ខុសគ្នា​នៅ​ក្រុង​បាងកក ប៉ុន្តែ​មិន​បណ្ដាល​ឱ្យ​គ្រោះ​ដល់​អាយុជីវិត​មនុស្ស​នោះ​ទេ។ លោក​បន្ត​ថា សមត្ថកិច្ច​មាន​ភស្តុតាង​គ្រប់គ្រាន់​ដើម្បី​ដាក់​បន្ទុក​លើ​ជនសង្ស័យ​ទាំងនោះ ដើម្បី​ឱ្យ​ពួកគេ​ទទួលទោស​តាម​ច្បាប់​បាន។ ចំណែក​ទីតាំង​បំផ្ទុះ​គ្រាប់បែក​ទាំងនោះ​រួមមាន មជ្ឈមណ្ឌល​រាជការ​ចែង​វឌ្ឍនៈ ទី​២ នៅ​ក្រោម​ស្ថានីយ​រថភ្លើង​អាកាស​ឆុងនុនស៊ី (Chungnonsi) ទី​៣ នៅ​ផ្លូវ​ព្រះរ៉ាម​ទី​៩ នៅ​ច្រក​ចូល​ផ្លូវ​លេខ​៥៧ បណ្ដាល​ឱ្យ​មនុស្ស ៣​នាក់​រង​របួល​ស្រាល។ ទីតាំង​ទី​៤ នៅ​បរិវេណ​ស្រះ​ទឹក​មុខ​ទីបញ្ជាការ​កងទ័ព​ថៃ និង ទី​៥ បំផ្ទុះ​គ្រាប់បែក នៅមុខ​ទីស្ដីការ​អគ្គនាយកដ្ឋាន​ក្រសួង​ការពារ​ជាតិ។

ក្រៅពីនោះ​ជនល្មើស​យក​ស្បោង​គ្រាប់បែក​ផ្លុង​ចោល​នៅ​ស្ថានីយ​រថភ្លើង​លើ​អាកាស សាលាដែង​(Saladaeng) ស្ថានីយ​រថភ្លើង​លើ​អាកាស ហួម៉ាក (Haumark) និង​នៅ​កំពង់ដ យ៉ត​វិមាន (Viman) នៅ​មាត់ទន្លេ​ចៅ​ផាក់យ៉ា (Chao praya) និង​ដុត​ឆេះ​ផ្សារ​ប្រ៉ាក់ទូណាម (Phraktounam) ជា​តំបន់​ពាណិជ្ជកម្ម​ក្នុង​ទី​ក្រង​បាងកក បណ្ដាល​ឱ្យ​ពលរដ្ឋ​ខ្មែរ ជាពិសេស​អ្នក​ទៅ​ព្យាបាល​ជំងឺ​ស្នាក់នៅ​ក្នុង​ផ្ទះ​សំណាក់ ឌី.ឌី.ហៅ (DD House) ប្រមាណ ១​ពាន់​នាក់ នាំគ្នា​រត់​ចេញពី​បន្ទប់​ផ្ទះសំណាក់​ទាំង​ព្រលឹម​ស្រាងៗ។ ក្រៅ​ពី​នេះ​នៅ​ទីក្រុង​បាងកក​ក៏​មាន​ពលករ​ខ្មែរ​ស្នាក់នៅ​ធ្វើការ​រាប់​ម៉ឺន​នាក់​ដែរ។

សមត្ថកិច្ច​ថៃ​សន្និដ្ឋាន​ថា ការ​បំផ្ទុះ​គ្រាប់បែក​នេះ ជនល្មើស​ធ្វើឡើង​ក្នុង​បំណង​បង្កើត​ឱ្យ​មាន​ចលាចល​នៅ​ក្នុង​សង្គម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

tmil Hun Sen regime VS ASEAN

Thai's pm Prayuth C.Oja is currently hosting a regional security meeting of foreign ministers from the Association of Southeast Asian Nations"ASEAN",and their counterparts from world powers.This ASEAN emergency meeting are concentrating over boiling point at fascist dictator Hun Sen regime,its has been signed secret Deal with China commie built NAVAL bases at Ream and Koh Kong ports.They all claimed that P Penh regime who lead by dictator HS is face serious consequences to the region,so it means that the ASEAN must keep all eyes and ears on fascist P Penh regime,and all ASEAN member states must be take a serious business,or be ready to face this kind of scenarios"ASEAN aiming high to targets tmil Hun Sen regime"LIVE FREE or Die...

Aug 02, 2019 12:23 PM

គេហទំព័រ​ទាំងមូល