មនុស្ស​៥​នាក់​ត្រូវ​បាន​ចាប់ខ្លួន​នៅ​ខេត្ត​ព្រះវិហារ​ពី​បទ​លួច​វត្ថុ​បុរាណ

ដោយ វ៉ែន សុមេធ
2020-02-08
អ៊ីម៉ែល
មតិ
Share
បោះពុម្ព

សមត្ថកិច្ច​បាន​បញ្ជូន​ជនសង្ស័យ​៥​នាក់​ទៅ​សាលាដំបូង​ខេត្ត​ព្រះវិហារ​ដើម្បី​ចាត់វិធានការ​តាមច្បាប់​បន្ទាប់ពី​ជន​សង្ស័យ​ទាំងនេះ បាន​រាវរក​វត្ថុ​បុរាណ​ក្នុង​ប្រាសាទ​ខ្នារ​ដែល​ឋិត​នៅ​ក្នុង​ភូមិ ក្រឡាពាស ឃុំ​ព្រីងធំ ស្រុក​ជាំក្សាន្ត ខេត្ត​ព្រះវិហារ។

មន្ត្រី​នៃ​មន្ទីរ​វប្បធម៌​និង​វិចិត្រសិល្ប​ខេត្ត​ព្រះវិហារ​បាន​ឱ្យ​ដឹង​ថា ជនល្មើស​ទាំង ៥​នាក់​នោះ មកពី​ខេត្ត​ផ្សេងៗ​គ្នា រួមមាន ឈ្មោះ ហេង ប៊ុនសុផុន មក​ពី​ខេត្ត​សៀមរាប​ឈ្មោះ សៀត សុភ័ក្រ ឈ្មោះ ង៉ៅ តៃ និង​ឈ្មោះ ព្លាន ព្លឿង អ្នក​ទាំង​បី​មកពី​ខេត្ត​បន្ទាយមានជ័យ និង​ម្នាក់ទៀត​ឈ្មោះ ប៊ុន សាន ជា​ប្រធាន​នគរបាល​ប៉ុស្ដិ៍​ព្រីងធំ គឺជា​អ្នក​ខេត្ត​ព្រះវិហារ។

ជនសង្ស័យ​ទាំង​៥​នាក់​ត្រូវ​បាន​សមត្ថកិច្ច​ខេត្ត​ព្រះវិហារ​ចាប់​ខ្លួន​បាន កាលពី​ថ្ងៃ​ទី​៤ ខែ​មករា កន្លង​ទៅ​នៅ​ពេល​ដែល​ពួកគេ​ធ្វើ​សកម្មភាព​រាវរក​វត្ថុ​បុរាណ នៅ​តំបន់​បរិវេណ​ប្រាសាទ​ខ្នារ ដែល​ជា​តំបន់​ហាមឃាត់។ សមត្ថកិច្ច ក៏​ឃាត់​បាន​វត្ថុ​តាង​មួយ​ចំនួន​រួមមាន ម៉ាស៊ីន​រាវរក ២​គ្រឿង និង​សម្ភារ​ជីក​គាស់​មួយ​ចំនួន​ទៀត៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល