ព្រះមហាក្សត្រ និងសម្ដេចម៉ែ មុនីនាថ សីហនុ បានយាងមកដល់កម្ពុជាវិញហើយ បន្ទាប់ពីបានគង់នៅពិនិត្យព្រះរាជសុខភាព និងព្យាបាលព្រះរោគនៅប្រទេសចិន អស់រយៈពេល ១ខែ។
ព្រះមហាក្សត្រ និងសម្ដេចម៉ែ បានយាងចាកចេញពីប្រទេសកម្ពុជាកាលពីថ្ងៃទី៦ តុលា ដើម្បីទៅពិនិត្យព្រះសុខភាពជាលើកទីពីនៅទីក្រុងប៉េកាំង ប្រទេសចិនប្រជាមានិត។
ក្នុងអំឡុងពេលគង់នៅក្នុងប្រទេសចិននោះ ព្រះអង្គក៏បានយាងបំពេញព្រះរាជទស្សនកិច្ច នៅក្នុងខេត្តសានស៊ី (Shanxi) និងបានយាងទៅតំបន់សេដ្ឋកិច្ច និងវប្បធម៌ នៅក្នុងខេត្តសានស៊ី នោះដែរ។
ក្រៅពីយាងទៅខេត្តសានស៊ី សម្ដេចម៉ែ ត្រូវបានលោកប្រធានាធិបតីចិន គឺលោក ស៊ី ជិនពីង (Xi Jing Ping) ថ្វាយគ្រឿងឥស្សរិយយស តំណាងឱ្យ «មិត្តភាព នៃសាធារណរដ្ឋប្រជាមានិតចិន» ដល់ព្រះអង្គផង៕